സ്ത്രീകളോട് അപമര്യാദയായി പെരുമാറിയെന്ന്; കോണ്‍ഗ്രസ് പുറത്താക്കിയ നേതാവ് സിപിഎമ്മിലേക്ക്

പാലക്കാട്: സ്ത്രീകളോട് അപമര്യാദയായി പെരുമാറിയെന്നാരോപിച്ച് കോണ്‍ഗ്രസ് പുറത്താക്കിയ നേതാവ് സിപിഎമ്മിലേക്ക്. പാലക്കാട് തച്ചമ്പാറ കോണ്‍ഗ്രസ് മണ്ഡലം പ്രസിഡന്റായിരുന്ന മുഹമ്മദ് റിയാസാണ് സിപിഎമ്മില്‍ ചേര്‍ന്നത്. സ്ത്രീകളോട് അപമര്യാദയായി പെരുമാറിയെന്ന പരാതികള്‍ ലഭിച്ചതിന്റെ അടിസ്ഥാനത്തില്‍ മുഹമ്മദ് റിയാസിനെ പാര്‍ട്ടി അംഗത്വത്തില്‍ നിന്ന് സസ്‌പെന്‍ഡ് ചെയ്‌തെന്നും എല്ലാ സ്ഥാനങ്ങളില്‍ നിന്നും നീക്കിയെന്നും ഡിസിസി അറിയിച്ചു. അതേസമയം, തന്നെ പുറത്താക്കിയതല്ലെന്നും താന്‍ രാജിവെച്ചതാണെന്നും മുഹമ്മദ് റിയാസ് പറഞ്ഞു. തനിക്കെതിരായ എല്ലാ പരാതികളും ആരോപണങ്ങളും അടിസ്ഥാനരഹിതമാണെന്നും കെട്ടിച്ചമച്ചതാണെന്നും മുഹമ്മദ് റിയാസ് വിശദീകരിച്ചു. നാളെ സിപിഎമ്മില്‍ ചേരുമെന്നും അദ്ദേഹം അറിയിച്ചു.