വീട്ടില്‍ പണം കണ്ടെത്തിയ സംഭവം: രാജിവയ്ക്കാന്‍ വിസമ്മതിച്ച് ജസ്റ്റിസ് യശ്വന്ത് വര്‍മ; അന്വേഷണ റിപോര്‍ട്ട് രാഷ്ട്രപതിക്ക് കൈമാറി

ന്യൂഡല്‍ഹി: വീട്ടില്‍ പണം കണ്ടെത്തിയ സംഭവത്തില്‍ രാജിവയ്ക്കില്ലെന്ന് ഹൈക്കോടതി ജഡ്ജി യശ്വന്ത് വര്‍മ. തുടര്‍ന്ന് ജഡ്ജിക്കെതിരായ അന്വേഷണ റിപോര്‍ട്ട് സുപ്രിംകോടതി ചീഫ്ജസ്റ്റിസ് സഞ്ജീവ് ഖന്ന രാഷ്ട്രപതിക്കും പ്രധാനമന്ത്രിക്കും കൈമാറി. അന്വേഷണ റിപോര്‍ട്ടിന് യശ്വന്ത് വര്‍മ നല്‍കിയ മറുപടിയും നല്‍കിയിട്ടുണ്ട്.

പഞ്ചാബ്-ഹരിയാന ചീഫ്ജസ്റ്റിസ് ശീല്‍ നാഗു, ഹിമാചല്‍ പ്രദേശ് ഹൈക്കോടതി ജഡ്ജി ജി എസ് സന്താവാലിയ, കര്‍ണാടക ഹൈക്കോടതി ജഡ്ജി അനു ശിവരാമന്‍ എന്നിവരാണ് യശ്വന്ത് വര്‍മക്കെതിരായ ആരോപണം അന്വേഷിച്ചത്. യശ്വന്ത് വര്‍മക്കെതിരായ ആരോപണങ്ങള്‍ പ്രഥമദൃഷ്ട്യാ സത്യമാണെന്നാണ് അന്വേഷണ റിപോര്‍ട്ട് പറയുന്നത്.