സിബിഎസ്ഇ പത്താം ക്ലാസ് പരീക്ഷാ ഫലം ഇന്ന് പ്രഖ്യാപിക്കില്ല

ന്യൂഡല്‍ഹി:സിബിഎസ്ഇ പത്താം ക്ലാസ് ഫലം ഇന്ന് പ്രഖ്യാപിക്കില്ലെന്ന് അധികൃതര്‍ അറിയിച്ചു. മൂല്യ നിര്‍ണയ നടപടികള്‍ പൂര്‍ത്തിയാകാത്തതിനാലാണ് ഫല പ്രഖ്യാപനം വൈകുന്നതെന്ന് അധികൃതര്‍ അറിയിച്ചു.

ഈഴാഴ്ച അവസാനമോ അടുത്താഴ്ചയോ ഫലം പ്രഖ്യാപിക്കുമെന്നാണ് പുതിയ വിവരം. സിബിഎസ്ഇ പത്താം ക്ലാസ് ഫലം ഇന്നും. 12ാം ക്ലാസ് ഫലം 10നും പ്രഖ്യാപിക്കുമെന്ന് റിപോര്‍ട്ടുകള്‍ വന്നിരുന്നു.

മൂല്യ നിര്‍ണയ നടപടികള്‍ പുരോഗമിക്കുകയാണെന്നും ഫലം പ്രഖ്യാപിക്കാന്‍ കുറച്ചു ദിവസങ്ങള്‍ കൂടി എടുക്കുമെന്നുമാണ് അധികൃതര്‍ നല്‍കിയ വിശദീകരണം. രണ്ടു ടേം പരീക്ഷകളിലെ വെയിറ്റേജുകളെ കുറിച്ചും ഇതുവരെ ധാരണയിലെത്തിയിട്ടില്ല. ആദ്യ ടേം പരീക്ഷ ബുദ്ധിമുട്ടായതിനാല്‍ രണ്ടാം ടേമിന് വെയിറ്റേജ് പ്രഖ്യാപിക്കണമെന്നും ആവശ്യമുയര്‍ന്നിരുന്നു.