ചെടിച്ചട്ടി ഓര്‍ഡറിന് കൈക്കൂലി; കളിമണ്‍ പാത്ര നിര്‍മ്മാണ കോര്‍പറേഷന്‍ ചെയര്‍മാന്‍ അറസ്റ്റില്‍

കൊച്ചി: ചെടിച്ചട്ടി ഓര്‍ഡറിന് കൈക്കൂലി വാങ്ങുന്നതിനിടെ കേരള സംസ്ഥാന കളിമണ്‍ പാത്ര നിര്‍മാണ വിപണന ക്ഷേമ വികസന കോര്‍പറേഷന്‍ ചെയര്‍മാന്‍ അറസ്റ്റില്‍. കെ എന്‍ കുട്ടമണിയാണ് തൃശൂര്‍ വിജിലന്‍സിന്റെ പിടിയിലായത്. 10,000 രൂപയാണ് ഇയാള്‍ കൈക്കൂലി വാങ്ങിയത്. സിഐടിയു സംസ്ഥാന കമ്മറ്റി അംഗമാണ് കുട്ടമണി.

വളാഞ്ചേരി കൃഷിഭവന് കീഴില്‍ വിതരണം ചെയ്യാനായി ഓര്‍ഡര്‍ ചെയ്ത 5,372 ചെടിച്ചട്ടികളില്‍ ഒരു ചെടിച്ചട്ടിക്ക് മൂന്നുരൂപ വീതം തൃശൂര്‍ ചിറ്റിശ്ശേരിയിലെ കളിമണ്‍പാത്ര നിര്‍മാണ യൂനിറ്റ് ഉടമയോട് കമ്മീഷന്‍ ആവശ്യപ്പെടുകയായിരുന്നു. തൃശൂര്‍ വടക്കേ സ്റ്റാന്‍ഡിലെ ഇന്ത്യന്‍ കോഫി ഹൗസില്‍ വച്ച് കമ്മീഷന്റെ ആദ്യ പതിനായിരം രൂപ കൈപ്പറ്റുന്നതിനിടയാണ് ഇയാള്‍ പിടിയിലാകുന്നത്.