നിയമസഭാ തിരഞ്ഞെടുപ്പ്; ബിഹാറിലെ വോട്ടെണ്ണല്‍ തുടങ്ങി 8.30ന് എന്‍ഡിഎ മുന്നില്‍

പട്‌ന: ബിഹാര്‍ നിയമസഭാ തിരഞ്ഞെടുപ്പിന്റെ വോട്ടെണ്ണല്‍ ആരംഭിച്ചു. രാവിലെ എട്ടുമുതല്‍ ആരംഭിച്ച വോട്ടെണ്ണല്‍ സംസ്ഥാനത്തെ 46 കേന്ദ്രങ്ങളിലാണ് നടക്കുന്നത്. വോട്ടെണ്ണല്‍ അരമണിക്കൂര്‍ കഴിയുമ്പോള്‍ എന്‍ഡിഎ 80 സീറ്റിലും ഇന്‍ഡ്യ സഖ്യം 55 സീറ്റിലും ലീഡ് നേടി നില്‍ക്കുകയാണ്.

ഒന്‍പതുമണിയോടെ ആദ്യ സൂചനകള്‍ ലഭ്യമാകും. രണ്ടു മണിയോടെ ചിത്രം പൂര്‍ണമായും വ്യക്തമായേക്കും. ഒരു റൗണ്ടില്‍ 14 ഇവിഎമ്മുകള്‍ എന്നകണക്കിലാണ് എണ്ണല്‍ പുരോഗമിക്കുക. നിതീഷ് കുമാറിന്റെ ജെഡിയുവുവിന്റെയും ബിജെപിയുടേയും നേതൃത്വത്തിലുള്ള എന്‍ഡിഎയും തേജസ്വി യാദവിന്റെ ആര്‍ജെഡിയും കോണ്‍ഗ്രസും നയിക്കുന്ന ഇന്ത്യാ മുന്നണിയും തമ്മിലാണ് പ്രധാന പോരാട്ടം.