'ധനികന്റെ ഭാര്യയായിരിക്കുക എന്നത് ഒരു യോഗ്യതയല്ല'; നിത അംബാനിയെ വിസിറ്റിങ് പ്രൊഫസറാക്കാനുള്ള നീക്കത്തിനെതിരെ ബനാറസ് സര്വ്വകലാശാല വിദ്യാര്ഥികള്
നിത അംബാനിക്ക് പുറമെ വന് വ്യവസായി ഗൗതം അദാനിയുടെ ഭാര്യ പ്രീതി അദാനി, യുകെ ആസ്ഥാനമായുള്ള ഉരുക്ക് വ്യവസായി ലക്ഷ്മി മിത്തലിന്റെ ഭാര്യ ഉഷ മിത്തല് എന്നിവരുടെ പേരുകളും വിസിറ്റിങ് പ്രൊഫസര് സ്ഥാനത്തേക്ക് കണ്ടിരുന്നതായി സര്വ്വകലാശാല അധികൃതര് സ്ഥിരീകരിച്ചു
ലഖ്നൗ: ബനാറസ് ഹിന്ദു സര്വ്വകലാശാലയില് വിസിറ്റിംഗ് പ്രൊഫസറായി റിലയന്സ് ഫൗണ്ടേഷന് ചെയര്പേഴ്സണ് നിത അംബാനിയെ നിയമിക്കാനുള്ള നീക്കത്തിനെതിരേ വിദ്യാര്ഥികള്. വൈസ് ചാന്സലര് രാകേഷ് ഭട്നഗറിന്റെ വസതിക്ക് പുറത്ത് വിദ്യാര്ഥികള് പ്രതിഷേധം സംഘടിപ്പിക്കുകയും തീരുമാനം മാറ്റണമെന്ന് ആവശ്യപ്പെട്ട് നിവേദനം സമര്പ്പിക്കുകയും ചെയ്തു.
കഴിഞ്ഞ വെള്ളിയാഴ്ച്ചയാണ് സോഷ്യല് സയന്സസ് വിഭാഗം വനിതാ പഠന കേന്ദ്രത്തില് വിസിറ്റിംഗ് ഫാക്കല്റ്റിയായി ചേരണമെന്ന് അഭ്യര്ഥിച്ച് നിത അംബാനിക്ക് കത്തയച്ചത്. ശതകോടീശ്വരന് വ്യവസായി മുകേഷ് അംബാനിയുടെ ഭാര്യ നിത അംബാനിയെ വിസിറ്റിംഗ് പ്രൊഫസറായി നിയമിക്കുന്നതിലൂടെ സര്വകലാശാല തെറ്റായ മാതൃകയാണ് സൃഷ്ടിക്കുന്നതെന്ന് വിദ്യാര്ത്ഥികള് പറയുന്നു. ഒരു ധനികന്റെ ഭാര്യയായിരിക്കുക എന്നത് ഒരു യോഗ്യതയല്ല , ഇത്തരം ആളുകള്ക്ക് മാതൃകയാകാന് കഴിയില്ല. സ്ത്രീ ശാക്തീകരണത്തെക്കുറിച്ച് സംസാരിക്കുകയാണെങ്കില്, അരുണിമ സിന്ഹ, ബചേന്ദ്രി പാല്, മേരി കോം, അല്ലെങ്കില് കിരണ് ബേദി എന്നിവരെയാണ് ക്ഷണിക്കേണ്ടതെന്നും വിദ്യാര്ഥികള് പറയുന്നത്.
നിത അംബാനിക്ക് പുറമെ വന് വ്യവസായി ഗൗതം അദാനിയുടെ ഭാര്യ പ്രീതി അദാനി, യുകെ ആസ്ഥാനമായുള്ള ഉരുക്ക് വ്യവസായി ലക്ഷ്മി മിത്തലിന്റെ ഭാര്യ ഉഷ മിത്തല് എന്നിവരുടെ പേരുകളും വിസിറ്റിങ് പ്രൊഫസര് സ്ഥാനത്തേക്ക് കണ്ടിരുന്നതായി സര്വ്വകലാശാല അധികൃതര് സ്ഥിരീകരിച്ചു. ഇതില് നിത അംബാനിക്കു മാത്രമാണ് കത്തയച്ചത്. അതേസമയം ബനാറസ് ഹിന്ദു സര്വ്വകലാശാലയില് നിന്നും നിത അംബാനിക്ക് ക്ഷണം ലഭിച്ചിട്ടില്ലെന്ന് റിലയന്സ് ഇന്ഡസ്ട്രീസ് ലിമിറ്റഡ് പറഞ്ഞു.
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT