'അതിജീവിതയ്ക്ക് സമ്പൂര്‍ണ നീതി ലഭിച്ചില്ല. പ്രോസിക്യൂഷന് വീഴ്ച പറ്റി'; ഉമാ തോമസ് എംഎല്‍എ

കൊച്ചി: നടിയെ ആക്രമിച്ച കേസില്‍ അതിജീവിതയ്ക്ക് സമ്പൂര്‍ണ നീതി ലഭിച്ചില്ലെന്ന് ഉമാ തോമസ് എംഎല്‍എ. എന്നും അവള്‍ക്കൊപ്പമാണെന്നും ഉമാ തോമസ് നിലപാട് വ്യക്തമാക്കി. പ്രോസിക്യൂഷന് വീഴ്ച പറ്റി, മഞ്ജുവാര്യര്‍ക്കെതിരേ ഉള്‍പ്പെടെ ഇതുവരെ പറയാത്ത വാദങ്ങള്‍ ദിലീപ് ഇപ്പോള്‍ ഉന്നയിക്കുകയാണ്.

'ദിലീപിന്റെ ഈ നീക്കം കാര്യങ്ങള്‍ വഴി തിരിച്ചു വിടാനാണ്. അപ്പീല്‍ ആവശ്യപ്പെട്ട് സര്‍ക്കാരിന് കത്ത് നല്‍കുന്ന കാര്യവും ആലോചനയിലുണ്ട്. വിധിയുടെ പകര്‍പ്പ് ലഭിച്ചതിനു ശേഷം ബാക്കി കാര്യങ്ങള്‍ തീരുമാനിക്കും.' ഉമാ തോമസ് പറത്തു. തദ്ദേശ തിരഞ്ഞെടുപ്പില്‍ വോട്ടു ചെയ്യാനെത്തിയപ്പോഴായിരുന്നു ഉമാ തോമസിന്റെ പ്രതികരണം.