നടിയെ ആക്രമിച്ച കേസിലെ മെമ്മറികാര്ഡ് പരിശോധിച്ചത് മജിസ്ട്രേറ്റും ജീവനക്കാരും; റിപോര്ട്ട് പുറത്ത്
കൊച്ചി: നടിയെ ആക്രമിച്ച കേസില് മെമ്മറി കാര്ഡിലെ ഹാഷ് വാല്യൂ മാറിയതിലെ റിപോര്ട്ട് പുറത്ത്. മെമ്മറി കാര്ഡ് മൂന്ന് കോടതികളിലായി അനധികൃതമായി പരിശോധിച്ചുവെന്ന് ജില്ലാ ജഡ്ജിയുടെ റിപോര്ട്ടില് ചൂണ്ടിക്കാണിക്കുന്നു. അങ്കമാലി മജിസ്ട്രേറ്റും ജില്ലാ ജഡ്ജിയുടെ ഓഫിസിലെ സ്റ്റാഫും മെമ്മറി കാര്ഡ് പരിശോധിച്ചു. അതേസമയം, ജില്ലാ ജഡ്ജിയുടെ അന്വേഷണത്തില് അതൃപ്തി അറിയിച്ച് അതിജീവിത രംഗത്തെത്തി. ഐജി റാങ്കില് കുറയാത്ത ഉദ്യോഗസ്ഥര് അന്വേഷിക്കണമെന്നാണ് അതിജീവിത ആവശ്യപ്പെട്ടിരിക്കുന്നത്.
ഹൈക്കോടതിയുടെ നിര്ദേശപ്രകാരമാണ് എറണാകുളം പ്രിന്സിപ്പല് സെഷന്സ് കോടതി മെമ്മറി കാര്ഡിന്റെ ഹാഷ് വാല്യു മാറിയ സംഭവത്തില് അന്വേഷണം നടത്തിയത്. അസമയത്തടക്കം മെമ്മറി കാര്ഡ് പരിശോധിച്ചിട്ടുണ്ടെന്ന് ഹൈക്കോടതിക്ക് ബോധ്യപ്പെട്ടതിനാലാണ് ഇതില് അന്വേഷണം ആവശ്യപ്പെട്ടത്. അന്വേഷണ റിപ്പേപട്ട് ഹൈക്കോടതി നേരത്തേ അതിജീവിതയ്ക്ക് കൈമാറിയിരുന്നു. ആ വിവരങ്ങളാണ് ഇപ്പോള് പുറത്തുവന്നിരിക്കുന്നത്.
നേരത്തെ ഈ കേസ് പരിഗണിച്ചിരുന്ന അങ്കമാലി മജിസ്ട്രേറ്റ് ഒരു വര്ഷത്തോളം സ്വകാര്യമായി മെമ്മറി കാര്ഡ് കൈവശംവെച്ച് പല ഘട്ടങ്ങളിലായി പരിശോധിച്ചിട്ടുണ്ടെന്ന് റിപ്പോര്ട്ടില് പറയുന്നു. 2018-ല് ജില്ലാ ജഡ്ജിയുടെ പിഎയും സ്വന്തം ഫോണില് മെമ്മറി കാര്ഡ് ഇട്ട് ഈ മെമ്മറി കാര്ഡ് പരിശോധിച്ചിട്ടുണ്ട്. പക്ഷേ ഈ ഫോണ് 2022-ല് നഷ്ടപ്പെട്ടുവെന്നാണ് ഇയാള് മൊഴി നല്കിയിരിക്കുന്നത്. അതുകൊണ്ടുതന്നെ ഈ ഫോണില് ഇട്ടാണോ പരിശോധിച്ചതെന്ന് സ്ഥിരീകരിക്കാന് കഴിഞ്ഞിട്ടില്ല.
വിചാരണ കോടതിയിലെ ശിരസ്തദാറും ഈ മെമ്മറി കാര്ഡ് പരിശോധിച്ചിട്ടുണ്ട്. ഈ വിഷയത്തിലൊന്നും തന്നെ തുടരന്വേഷണം നടത്താനോ നടപടിയെടുക്കാനോ അന്വേഷണ റിപോര്ട്ടില് ശുപാര്ശയില്ല. പരിശോധനയുടെ ഭാഗമായി മെമ്മറി കാര്ഡിലെ വിവരങ്ങള് ദുരുപയോഗം ചെയ്തിട്ടില്ലെന്നും റിപോര്ട്ടില് വ്യക്തമാക്കുന്നു.
എന്നാല്, മെമ്മറി കാര്ഡ് ചോര്ന്ന സംഭവത്തില് കേസെടുത്ത് അന്വേഷണം വേണമെന്നാണ് അതിജീവിതയുടെ ആവശ്യം. ഐജി റാങ്കില് കുറയാത്ത ഉദ്യോഗസ്ഥന് ചുമതല നല്കണമെന്നാണ് ആവശ്യപ്പെട്ട് അതിജീവിത ഹൈക്കോടതിയില് ഹരജി നല്കി.
RELATED STORIES
പനമണ്ണ വിനോദ് വധം: രണ്ടുപേരെ കോടതി വെറുതെവിട്ടു
30 April 2024 11:33 AM GMTപാലക്കാട് കണ്ണനൂരില് കാര് പരസ്യബോര്ഡില് ഇടിച്ച് ഒരു മരണം; മൂന്ന്...
30 April 2024 5:47 AM GMTപാലക്കാട് ബാന്ഡ് മേളം അവതരിപ്പിക്കുന്നതിനിടെ ബ്യുഗിള് കലാകാരന്...
30 April 2024 5:37 AM GMTഉഷ്ണതരംഗം: പാലക്കാട്ട് വിദ്യാഭ്യാസ സ്ഥാപനങ്ങള് അടച്ചിടാന് കലക്ടറുടെ...
29 April 2024 12:01 PM GMTപാലക്കാട്ട് ഉഷ്ണതരംഗ മുന്നറിയിപ്പ്; 12 ജില്ലകളില് യെല്ലോ അലര്ട്ട്
24 April 2024 10:50 AM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMT