തിരുവനന്തപുരത്ത് ബൈക്ക് ഷോറൂമില്‍ തീപിടിത്തം

തിരുവനന്തപുരം: തിരുവനന്തപുരം മുട്ടത്തറയില്‍ റോയല്‍ ബൈക്ക് ഷോറൂമില്‍ തീപിടിത്തം. ഷോറൂമില്‍ സൂക്ഷിച്ചിരുന്ന മുഴുവന്‍ ബൈക്കുകളും കത്തിനശിച്ചു. 32 ബൈക്കുകളാണ് സൂക്ഷിച്ചിരുന്നത്.

മൂന്ന് നില കെട്ടിടത്തിലാണ് ഷോറും പ്രവര്‍ത്തിക്കുന്നത്. ബൈക്കുകള്‍ മുഴുവന്‍ താഴെ നിലയിലായിരുന്നു.

പുക ഉയരുന്നതുകണ്ട് നാട്ടുകാരാണ് വിവിരം ഫയര്‍ഫോഴ്‌സില്‍ അറിയിച്ചത്. ഫയര്‍ഫോഴ്‌സ് എത്തി തീ അണയ്ക്കുമ്പോഴേക്കും ബൈക്കുകള്‍ മുഴുവന്‍ കത്തിനശിച്ചിരുന്നു.

തീപിടിത്തത്തിനു കാരണം വ്യക്തമല്ല.