അമ്മ വഴക്കു പറഞ്ഞു; എട്ടു വയസ്സുകാരന്‍ ജീവനൊടുക്കി

തിരുവനന്തപുരം: ചെമ്പഴന്തി ചാരിയാട്ടുകുളത്തിനു സമീപം എട്ടു വയസ്സുകാരന്‍ ആത്മഹത്യ ചെയ്ത നിലയില്‍. അക്കരവിള വീട്ടില്‍ പ്രമോദിന്റെയും മിനിയുടെയും മകനായ ശ്രേയസ് (8) ആണ് മരിച്ചത്. ഇരട്ടകളായ ശ്രാവണും ശ്രേയസും പഠിക്കുന്നതിനിടയില്‍ ബഹളം വച്ചതിനു അമ്മ ശ്രേയസിനെ വഴക്കു പറഞ്ഞു. തുടര്‍ന്ന് ശ്രേയസ് മുറിയില്‍ കയറി അകത്തു നിന്നും പൂട്ടി. മകന്‍ ഉറങ്ങുകയായിരിക്കും എന്നു കരുതി അമ്മ മിനി വിളിച്ചില്ല. ഏറെ കഴിഞ്ഞിട്ടും കാണാത്തതിനാല്‍ വാതില്‍ ചവിട്ടി പൊളിച്ചു നോക്കുമ്പോള്‍ കഴുത്തില്‍ ബെഡ്ഷീറ്റ് ചുറ്റി ജനാല കമ്പിയില്‍ തൂങ്ങിയ നിലയില്‍ ആയിരുന്നു.മണക്കല്‍ എല്‍പിഎസിലെ രണ്ടാം ക്ലാസ് വിദ്യാര്‍ഥിയാണ് ശ്രാവണ്‍.