തെലങ്കാനയില്‍ പുതുതായി 1,640 കൊവിഡ്19 രോഗികള്‍, 8 മരണം

ഹൈദരാബാദ്: കഴിഞ്ഞ 24 മണിക്കൂറിനുള്ളില്‍ തെലങ്കാനയില്‍ 1,640 പേര്‍ക്ക് കൊവിഡ് 19 സ്ഥിരീകരിച്ചു. ഇതേ സമയത്തിനുള്ളില്‍ 8 പേര്‍ക്ക് ജീവന്‍ നഷ്ടപ്പെട്ടു. ഇതോടെ സംസ്ഥാനത്തെ ആകെ രോഗബാധിതരുടെ എണ്ണം 52,466 ആയതായി സംസ്ഥാന ആരോഗ്യവകുപ്പ് അറിയിച്ചു.

40,333 പേര്‍ ഇതുവരെ രോഗമുക്തി നേടി ആശുപത്രി വിട്ടിട്ടുണ്ട്. നിലവില്‍ 1,007 പേരാണ് വിവിധ ആശുപത്രികളില്‍ ചികില്‍സയിലുള്ളത്. 455 പേര്‍ ഇതിനകം മരിച്ചിട്ടുണ്ട്.

കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ കണക്കനുസരിച്ച് രാജ്യത്ത് ഇന്ന് മാത്രം 49,,310 പേര്‍ക്ക് കൊവിഡ് സ്ഥിരീകരിച്ചു. ആകെ രോഗികളുടെ എണ്ണം 12,87,945 ആണ്. അതില്‍ സജീവ കേസുകള്‍ 4,40,135 ആണ്. 8,17,209 പേര്‍ രോഗമുക്തരായി. 24 മണിക്കൂറിനുളളില്‍ 704 പേര്‍ക്കാണ് ജീവഹാനിയുണ്ടായിട്ടുള്ളത്. രോജ്യത്ത് ഇതുവരെ കൊവിഡ് രോഗം മൂര്‍ച്ഛിച്ച് 30,601 പേര്‍ മരിച്ചു.