ദുബയിലെ സ്ഥാപനത്തിലേക്ക് ഹിന്ദുക്കള് മാത്രം അപേക്ഷിച്ചാല് മതിയെന്ന് അറിയിപ്പ്; വ്യാജമെന്ന് കമ്പനി
ഹിന്ദുക്കള് മാത്രം അപേക്ഷിച്ചാല് മതിയെന്ന് കാണിച്ച് ദുബയ് കേന്ദ്രീകരിച്ച് പ്രവര്ത്തിക്കുന്ന സ്ഥാപനത്തിന്റെ പേരിലിറങ്ങിയ അറിയിപ്പ് നിഷേധിച്ച് അധികൃതര്.
ദുബയ്: ഹിന്ദുക്കള് മാത്രം അപേക്ഷിച്ചാല് മതിയെന്ന് കാണിച്ച് ദുബയ് കേന്ദ്രീകരിച്ച് പ്രവര്ത്തിക്കുന്ന സ്ഥാപനത്തിന്റെ പേരിലിറങ്ങിയ അറിയിപ്പ് നിഷേധിച്ച് അധികൃതര്. ജി.ബി.എം.ടി സ്റ്റീല് സര്വീസ് എന്ന സ്ഥാപനത്തിന്റെ പേരിലാണ് അറിയിപ്പ് പ്രചരിപ്പിച്ചത്. സ്ഥാപനത്തില് സേഫ്ടി ഓഫിസര്മാരുടെ അഞ്ച് ഒഴിവുണ്ടെന്നും ഹിന്ദു ഉദ്യോഗാര്ഥികള് മാത്രം അപേക്ഷിച്ചാല് മതിയെന്നുമായിരുന്നു അറിയിപ്പ്. 3000 ദിര്ഹം മുതല് 5000 ദിര്ഹം വരെയായിരുന്നു ശമ്പള വാഗ്ദാനം. സി.വി അയക്കാനുള്ള ഇമെയിലും ഫോണ് നമ്പറുമെല്ലാം ഇതിനൊപ്പം നല്കിയിരുന്നു. ഇത് സാമൂഹിക മാധ്യമങ്ങളില് വ്യാപകമായി പ്രചരിച്ചതോടെയാണ് വിശദീകരണവുമായി കമ്പനി അധികൃതര് രംഗത്ത് വന്നത്
സ്ഥാപനം ഇങ്ങനെയൊരു അറിയിപ്പ് നല്കിയിട്ടില്ലെന്നും വ്യാജമാണെന്നും ദുബയ് പൊലീസില് പരാതി നല്കിയിട്ടുണ്ടെന്നും അവര് അറിയിച്ചു. ആരാണ് ഈ പരസ്യത്തിന് പിന്നില് എന്നറിയില്ല. സ്ഥാപനത്തെ അപകീര്ത്തിപെടുത്താനും അതുവഴി പണം തട്ടാനുമുള്ള ചിലരുടെ ശ്രമമാണ് ഇതിന് പിന്നിലെന്ന് കരുതുന്നതായും കമ്പനി പ്രതികരിച്ചു. യു.എ.ഇ രാജകുടുംബാംഗം ശൈഖ ഹിന്ദിന് അടക്കം പലരും ഈ അറിയിപ്പിന്റെ സ്ക്രീന്ഷോട്ട് ട്വിറ്ററില് ഷെയര് ചെയ്തിരുന്നു. വിവേചനം യു.എ.ഇയില് വെച്ചുപൊറുപ്പിക്കില്ലെന്ന് നിങ്ങള് പറഞ്ഞിട്ട് ഇത് എന്താണ് എന്നായിരുന്നു ചിലരുടെ ചോദ്യം. ഇത് യു.എ.ഇ ഭരണാധികാരികളുടെ ശ്രദ്ധയില്കൊണ്ടുവരണമെന്ന് കാണിച്ച് രാഷ്ട്രനേതാക്കള്ക്കും പലരും ട്വീറ്റ് ഷെയര് ചെയ്തിരുന്നു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT