യുഎഇ യാത്രക്കാര്‍ക്കുള്ള ക്വോറന്റെന്‍ മഹാരാഷ്ട്ര പിന്‍വലിച്ചു

ദുബയ്: യുഎഇയില്‍ നിന്നും മഹാരാഷ്ട്രയിലെത്തുന്ന എല്ലാ യാത്രക്കാരും 7 ദിവസം വീടിനുള്ളില്‍ ക്വോറന്റെനില്‍ കഴിയണമെന്നുള്ള നിയമം മഹാരാഷ്ട്ര പിന്‍വലിച്ചു. കൂടാതെ വിമാനത്താവളത്തിലുള്ള കോവിഡ് ആര്‍ടി പിസിആര്‍ പരിശോധനയും നടത്തേണ്ടതില്ലെന്നും മുംബയ് മുനിസിപ്പല്‍ കോര്‍പ്പറേഷന്‍ (ബിഎംസി) അറിയിച്ചു. ഇന്ന് വെളുപ്പിന് മുതലാണ് ഈ നിയമം പ്രാബല്യത്തിലായത്. കഴിഞ്ഞ മാസം 29 മുതലാണ് വിദേശികള്‍ക്ക് 7 ദിവസം ക്വോറന്റൈനില്‍ കഴിയണമെന്ന നിയമം നടപ്പിലാക്കിയത്. അതേ സമയം കേരളത്തിലെത്തുന്ന യാത്രക്കാര്‍ക്കുള്ള പരിശോധനയും ക്വോറന്റെനും തുടരുകയാണ്.