ദമ്പതികള്‍ കുഴഞ്ഞു വീണു മരിച്ചു

തലശേരി: ഭര്‍ത്താവും ഭാര്യയും മിനുട്ടുകളുടെ വ്യത്യാസത്തില്‍ വീട്ടില്‍ കുഴഞ്ഞു വീണു മരിച്ചു. ചുണ്ടങ്ങാപ്പൊയില്‍ കരിപ്പാല്‍ വീട്ടില്‍ രാമകൃഷ്ണന്‍(80), കല്ലി വസന്ത (71) എന്നിവരാണ് വെള്ളിയാഴ്ച ഉച്ചക്ക് രണ്ടോടെയാണു മരിച്ചത്. വ്യോമസേനയില്‍ നിന്നും വിരമിച്ച ശേഷം കനറാ ബാങ്കില്‍ ഉദ്യോഗസ്ഥനായിരുന്നു.

മക്കള്‍ : സിന്ധു, പ്രവീണ്‍ (കരിപ്പാല്‍ ട്രേഡേഴ്‌സ് പൊന്ന്യം റോഡ് കവല, കതിരൂര്‍). മരുമക്കള്‍ : എം സി സഞ്ജീവ് കുമാര്‍ (അധ്യാപകന്‍, മൂലക്കടവ് ഗവ.എല്‍.പി.സ്‌കൂള്‍), ശുഭ (ചെറുകുന്ന്). സംസ്‌കാരം ശനിയാഴ്ച ഉച്ചക്ക് രണ്ട് മണിക്ക് വീട്ടുവളപ്പില്‍.