18 - 44 വയസ്സുകാരിലെ വാക്സിനേഷന്: മുന്ഗണന ലഭിക്കാന് നിശ്ചിത മാതൃകയിലുള്ള സര്ട്ടിഫിക്കറ്റ് അപ്ലോഡ് ചെയ്യണം
സംസ്ഥാന സര്ക്കാരിന്റെ https://covid19.kerala.gov.in/vaccine/ എന്ന വെബ്സൈറ്റില് മുന്ഗണനയ്ക്കായി രജിസ്റ്റര് ചെയ്തവരുടെ വാക്സിനേഷനാണ് നാളെ മുതല് നടക്കുന്നത്.
സംസ്ഥാന സര്ക്കാരിന്റെ https://covid19.kerala.gov.in/vaccine/ എന്ന വെബ്സൈറ്റില് മുന്ഗണനയ്ക്കായി രജിസ്റ്റര് ചെയ്തവരുടെ വാക്സിനേഷനാണ് നാളെ മുതല് നടക്കുന്നത്. നല്കിയ രേഖകള് ജില്ലാ തലത്തില് പരിശോധിച്ച ശേഷം അര്ഹരായവരെ വാക്സിന്റെ ലഭ്യതയും മുന്ഗണനയും അനുസരിച്ച് വാക്സിനേഷന് കേന്ദ്രം, തീയതി, സമയം എന്നിവ വ്യക്തമാക്കി എസ്.എം.എസ് വഴി അറിയിക്കുന്നതാണ്. വാക്സിനേഷന് കേന്ദ്രത്തില് എത്തുമ്പോള് അപ്പോയിന്റ്മെന്റ് എസ്.എം.എസ്, ആധാറോ മറ്റ് അംഗീകൃത തിരിച്ചറിയല് രേഖയോ, അനുബന്ധരോഗ സര്ട്ടിഫിക്കറ്റ് എന്നിവ കാണിക്കേണ്ടതാണ്.
*18 - 45 പ്രായ പരിധിയിലുള്ളവരില് അനുബന്ധ രോഗത്തിനുള്ള രേഖകള് അപ്ലോഡ് ചെയ്തവര്ക്കാണ് മുന്ഗണന നല്കുന്നത്. നിരസിച്ച അര്ഹരായവര്ക്ക് മതിയായ രേഖകള് സഹിതം വീണ്ടും അപേക്ഷിക്കാവുന്നതാണ്.
*വാക്സിനേഷന് സെഷനുകള് അനുവദിക്കുന്നത് വാക്സിന്റെ ലഭ്യത അനുസരിച്ചാണ്. അതിനാല് എല്ലാവരും സഹകരിക്കുക.
* രണ്ടാം ഡോസ് കോവിഷീല്ഡ് വാക്സിന് ആദ്യ ഡോസ് സ്വീകരിച്ച് 12 മുതല് 16 ആഴ്ചയ്ക്കുള്ളിലും കോവാക്സിന് രണ്ടാം ഡോസ് 4 മുതല് 6 ആഴ്ചയ്ക്കുള്ളിലും എടുക്കണം.
*45 വയസിന് മുകളിലുള്ളവര്ക്കുള്ള വാകിസിനേഷനും തുടരുന്നതാണ്.
*2022 ജനുവരി ഒന്നിന് 18 വയസ് തികയുന്നവര് മുതല് 45 വയസ് വരെയുള്ള അനുബന്ധ രോഗബാധയുള്ളവര്ക്ക് മുന്ഗണന അനുസരിച്ച് വാക്സിന് 2021 മെയ് 17 മുതല് ലഭ്യമാകും.
* 1845 വയസ് വരെയുള്ളവര് വാക്സിനേഷനായി http://www.cowin.gov.in എന്ന വെബ് സൈറ്റില് രജിസ്റ്റര് ചെയ്യുകയും അനുബന്ധരോഗങ്ങളുടെ അടിസ്ഥാനത്തില് മുന്ഗണന ലഭിക്കുവാനായി https://covid19.kerala.gov.in/vaccine/ എന്ന വെബ് സൈറ്റില് രജിസ്റ്റര് ചെയ്യുകയും വേണം. ഇവിടെ അംഗീകൃത മെഡിക്കല് പ്രാക്ടീഷണര് നല്കുന്ന അനുബന്ധ രോഗങ്ങള് സംബന്ധിച്ച സര്ട്ടിഫിക്കറ്റ് അപ് ലോഡ് ചെയ്യണം.
*അനുബന്ധ രോഗങ്ങളുടെ പട്ടികയും മെഡിക്കല് സര്ട്ടിഫിക്കറ്റിന്റെ മാതൃകയും http://www.dhs.kerala.gov.in, http://www.arogyakeralam.gov.in, http://www.sha.kerala എന്നീ വെബ് സൈറ്റുകളില് ലഭ്യമാണ്.
* വാക്സിനേഷന് കേന്ദ്രം, തീയതി, സമയം ഇവ ലഭിക്കുന്നവര് മാത്രം വാക്സിന് സ്വീകരിക്കുവാനായി വാക്സിനേഷന് കേന്ദ്രത്തില് എത്തുക
*വാക്സിനേഷന് കേന്ദ്രം, തീയതി, സമയം ഇവയുടെ സന്ദേശം ലഭിക്കാത്തവര് വാക്സിനേഷന് കേന്ദ്രത്തിലെത്തി തിരക്ക് കൂട്ടരുത്. അറിയിപ്പ് ലഭിച്ച ശേഷം എത്തുക. എല്ലാവര്ക്കും വാക്സിന് ലഭ്യമാകും.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT