കണിയാമ്പറ്റയില്‍ വിദ്യാര്‍ഥി കുളത്തില്‍ മുങ്ങി മരിച്ചു

കല്‍പ്പറ്റ: കണിയാമ്പറ്റ ചിത്രമൂലയില്‍ കുളത്തില്‍ കുളിക്കാനിറങ്ങിയ വിദ്യാര്‍ഥി മുങ്ങി മരിച്ചു. മില്ലുമുക്ക് സ്വദേശി അറക്ക റസ്സാഖിന്റെ മകന്‍ നിയാസ് (15) ആണ് മരിച്ചത്. ഇന്ന് രാവിലെ 11.45 ഓടെയാണ് സംഭവം. കൂട്ടുകാരുമൊത്ത് കുളിക്കാനിറങ്ങിയപ്പോള്‍ അപകടത്തില്‍പ്പെട്ടതായാണ് വിവരം. ഉടന്‍തന്നെ കമ്പളക്കാട്ടെ ആശുപത്രിയിലെത്തിച്ചെങ്കിലും മരണപ്പെടുകയായിരുന്നു.