മാനന്തവാടിയില്‍ വാഹനാപകടം: 16 പേര്‍ക്ക് പരിക്ക്

മാനന്തവാടി: മാനന്തവാടി-കോഴിക്കോട് റോഡില്‍ കെഎസ്ഇബി ഓഫിസിന് സമീപം വാഹനാപകടത്തില്‍ 16 പേര്‍ക്ക് പരിക്കേറ്റു. ഇന്ന് ഉച്ചയ്ക്ക് ശേഷമാണ് കെഎസ്ആര്‍ടിസി ബസ്സും ലോറിയും കൂട്ടിയിടിച്ച് അപകടമുണ്ടായത്. രണ്ട് വാഹനങ്ങളുടെയും ഡ്രൈവര്‍മാര്‍ ഉള്‍പ്പടെ പരിക്കേറ്റവരെ മാനന്തവാടി ജില്ലാ ആശുപത്രിയില്‍ പ്രവേശിപ്പിച്ചു. ആരുടെയും നില ഗുരുതരമല്ല.