പറന്നുവന്ന മയില് നവദമ്പതികള് സഞ്ചരിച്ച ബൈക്കിലിടിച്ചു; ഭര്ത്താവ് മരിച്ചു
![പറന്നുവന്ന മയില് നവദമ്പതികള് സഞ്ചരിച്ച ബൈക്കിലിടിച്ചു; ഭര്ത്താവ് മരിച്ചു പറന്നുവന്ന മയില് നവദമ്പതികള് സഞ്ചരിച്ച ബൈക്കിലിടിച്ചു; ഭര്ത്താവ് മരിച്ചു](https://www.thejasnews.com/h-upload/2021/08/16/160456-peacokc.jpg)
തൃശൂര്: ദമ്പതികള് സഞ്ചരിച്ച ബൈക്കില് പറന്നുവന്ന മയില് ഇടിച്ചുണ്ടായ അപകടത്തില് ഭര്ത്താവ് മരിച്ചു. പരിക്കേറ്റ ഭാര്യയെ ആശുപത്രിയില് പ്രവേശിപ്പിച്ചു. പുന്നയൂര്ക്കുളം പീടികപ്പറമ്പില് മോഹനന്റെ മകന് പ്രമോഷ് (34) ആണ് മരിച്ചത്. ഒപ്പമുണ്ടായിരുന്ന ഭാര്യ വീണ (26) ഗുരുതരമായി പരിക്കേറ്റ് ചികില്സയിലാണ്. ഇന്ന് രാവിലെയാണ് അപകടം. അയ്യന്തോള്- പുഴയ്ക്കല് റോഡില് പഞ്ചിക്കലിലെ ബിവറേജസ് ഔട്ട്ലെറ്റിനു മുന്നിലായിരുന്നു അപകടം.
ഇവര് ബൈക്കില് പോവുമ്പോള് റോഡിന് കുറുകെ പറന്ന മയില് പ്രമോഷിന്റെ നെഞ്ചില് ഇടിച്ചതിനെത്തുടര്ന്ന് ബൈക്ക് നിയന്ത്രണംവിട്ട് സ്കൂട്ടറിലും പിന്നീട് സമീപത്തെ മതിലിലും ഇടിക്കുകയായിരുന്നു. ഇതെത്തുടര്ന്ന് ബൈക്കിലെ യാത്രക്കാരനായ വാടാനപ്പിള്ളി നടുവില്ക്കര വടക്കന് വീട്ടില് മോഹനന്റെ മകന് ധനേഷിനും (37) പരിക്കേറ്റു. പെയിന്റ് പണിക്കാരനായ ധനേഷ് ജോലിക്കു പോവുമ്പോഴായിരുന്നു അപകടം.
ധനേഷിനെ ആശുപത്രിയില് പ്രവേശിപ്പിച്ചു. വീണയുടെയും ധനേഷിന്റെയും ആരോഗ്യനില തൃപ്തികരമാണെന്ന് ആശുപത്രി അധികൃതര് പറഞ്ഞു. തൃശൂര് മാരാര് റോഡിലെ സ്വകാര്യബാങ്കില് ജീവനക്കാരനായിരുന്നു മരിച്ച യുവാവ്. നാലുമാസം മുമ്പാണ് ഇവരുടെ വിവാഹം കഴിഞ്ഞത്. അപകടത്തില് മയിലും ചത്തു. മയിലിന്റെ ജഡം വനം വകുപ്പ് ഉദ്യോഗസ്ഥര് ഏറ്റുവാങ്ങി. തൃശൂര് വെസ്റ്റ് സിഐയുടേയും എസ്ഐയുടേയും നേതൃത്വത്തില് തുടര്നടപടി സ്വീകരിച്ചു.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT