പാലത്തായി ബാലികാ പീഡനക്കേസ്; പത്മരാജനെതിരേ പോക്‌സോ ചുമത്തണമെന്നാവശ്യപ്പെട്ട് നാഷണല്‍ യൂത്ത്ലീഗ് നിവേദനം നല്‍കി

കോഴിക്കോട്: പാലത്തായിലെ ബാലികയെ പീഡിപ്പിച്ച കേസില്‍ അധ്യാപകനും ബിജെപി നേതാവുമായ പത്മരാജനെതിരേ പോക്‌സോ ചുമത്തണമെന്നാവശ്യപ്പെട്ട് നാഷണല്‍ യൂത്ത്ലീഗ് മുഖ്യമന്ത്രിക്ക് നിവേദനം നല്‍കി. ഇയാള്‍ക്ക് ജാമ്യം ലഭ്യമാക്കാന്‍ പോക്‌സോ വകുപ്പുകള്‍ ഒഴിവാക്കിയത് ക്രൈംബ്രാഞ്ചിന്റെ വീഴ്ച്ചയാണ് എന്നും പറയപെട്ടു. വിഷയം സമൂഹത്തില്‍ അമര്‍ഷത്തിനിടയാക്കിയിട്ടുണ്ടെന്നും ഫൈനല്‍ ചാര്‍ജ്ജ് ഷീറ്റില്‍ പോക്‌സോ ചുമത്തി പ്രതിയുടെ ജാമ്യം റദ്ധാക്കണമെന്നും ഭാരവാഹികളായ അഡ്വ.ഷമീര്‍ പയ്യനങ്ങാടി, ഫാളില്‍ അമീന്‍, റഹീം ബെന്‍ഡിച്ചാല്‍ എന്നിവര്‍ മുഖ്യമന്ത്രിക്ക് നല്‍കിയ നിവേദനത്തിലൂടെ ആവശ്യപ്പെട്ടു.