Kozhikode

കനത്ത മഴ; കൊയിലാണ്ടി ഹാര്‍ബറില്‍ നാല് വള്ളങ്ങള്‍ മറിഞ്ഞു

കനത്ത മഴ; കൊയിലാണ്ടി ഹാര്‍ബറില്‍ നാല് വള്ളങ്ങള്‍ മറിഞ്ഞു
X

കൊയിലാണ്ടി: ചൊവ്വാഴ്ച വൈകീട്ടുണ്ടായ ശക്തമായ മഴയിലും കാറ്റിലും ഹാര്‍ബറില്‍ നാലു വള്ളങ്ങള്‍ മറിഞ്ഞു. അഞ്ചു വള്ളങ്ങള്‍ക്കും ചെറുവള്ളങ്ങള്‍ക്കും കേടുപാട് സംഭവിച്ചു. കാറ്റില്‍ വള്ളങ്ങളുടെ പന്തല്‍ മുറിഞ്ഞ് നാശനഷ്ടമുണ്ടായി. 15 ലക്ഷത്തോളം രൂപയുടെ നാശനഷ്ടം ഉണ്ടായതായാണു കണക്കാക്കുന്നത്. അമ്മേ നാരായണ, അമ്മേ ഭഗവതി, ശ്യാമപ്രസാദ് മുഖര്‍ജി, കര്‍ണന്‍, ഭാഗ്യമാല്യ ദേവി, അന്നപൂര്‍ണ, മഹാലക്ഷ്മി, വൃന്ദാവനം, സൗഭാഗ്യമായാ ഭഗവതി, പ്രവാസി, സാരംഗി, സെന്റര്‍, ഹരിനാമം തുടങ്ങിയ വള്ളങ്ങള്‍ക്കാണ് നാശം സംഭവിച്ചത്. മരങ്ങളും മറ്റും കടപുഴകിയതിനാല്‍ വിവിധ ഭാഗങ്ങളില്‍ വൈദ്യുതി വിതരണം തകരാറിലായി. വീടുകള്‍ക്കും നാശം സംഭവിച്ചു. കെ ദാസന്‍ എംഎല്‍എ ഹാര്‍ബര്‍ സന്ദര്‍ശിച്ച് സ്ഥിതിഗതികള്‍ വിലയിരുത്തി.



Next Story

RELATED STORIES

Share it