പുറമ്പോക്കിലെ അനധികൃത പരസ്യബോര്‍ഡുകളും കൊടിമരങ്ങളും നീക്കംചെയ്യാന്‍ ഉത്തരവ്

കോട്ടയം: പുറമ്പോക്ക് സ്ഥലങ്ങളില്‍ രാഷ്ട്രിയ, മത, സാമൂഹിക, സന്നദ്ധസംഘടനകള്‍ അനധികൃതമായി സ്ഥാപിച്ചിട്ടുള്ള കൊടിമരങ്ങള്‍, പരസ്യ ബോര്‍ഡുകള്‍, മറ്റു നിര്‍മിതികള്‍ എന്നിവ നീക്കം ചെയ്യാന്‍ കോട്ടയം ജില്ലാ കലക്ടര്‍ നിര്‍ദേശിച്ചു.

ഹൈക്കോടതിയുടെ ഉത്തരവ് പ്രകാരം ഈ മാസം 25 നകം സ്ഥാപിച്ചവര്‍ തന്നെ ഇത് നീക്കം ചെയ്യേണ്ടതാണെന്ന് ജില്ലാ കലക്ടര്‍ ഡോ. പി കെ ജയശ്രീ അറിയിച്ചു. നീക്കം ചെയ്യാത്ത സാഹചര്യം കോടതിലക്ഷ്യമായി കണക്കാക്കി തുടര്‍നടപടികള്‍ സ്വീകരിക്കുമെന്ന് കലക്ടര്‍ വ്യക്തമാക്കി.