മണ്ണിടിച്ചിലില്‍ പരിക്കേറ്റ അന്തര്‍സംസ്ഥാന തൊഴിലാളി മരിച്ചു

കണ്ണൂര്‍: ഉളിക്കല്‍ നുച്ചിയാട് ചെങ്കല്‍പ്പണയിലെ മണ്ണിടിച്ചിലില്‍ പരിക്കേറ്റ അന്തര്‍സംസ്ഥാന തൊഴിലാളി മരിച്ചു. അസം സ്വദേശി മിധുന്‍ (33) ആണ് മരിച്ചത്. പരിക്കേറ്റ രണ്ട് തൊഴിലാളികളില്‍ ഒരാളാണ് മരിച്ചത്.

നാട്ടുകാരും ഇരിട്ടിയില്‍ നിന്നെത്തിയ അഗ്‌നി രക്ഷാസേനാ പ്രവര്‍ത്തകരും ചേര്‍ന്നാണ് മണ്ണിനടിയില്‍ കുടുങ്ങിക്കിടന്നവരെ രക്ഷപ്പെടുത്തി ആശുപത്രിയില്‍ പ്രവേശിപ്പിച്ചത്. 15 തൊഴിലാളികളാണ് പണയില്‍ ഏര്‍പ്പെട്ടിരുന്നത്.