കിണറ്റില്‍ വീണ കുടമെടുക്കാന്‍ ഇറങ്ങിയ വയോധികന്‍ മരിച്ചു

കണ്ണൂര്‍: കിണറ്റില്‍ വീണ കുടമെടുക്കാന്‍ ഇറങ്ങിയ വയോധികന്‍ മുങ്ങിമരിച്ചു. കണ്ണൂര്‍ രാമന്തളി വില്ലേജ് ഓഫീസിനു സമീപം താമസിക്കുന്ന രവീന്ദ്രന്‍ കെ എം ആണ് മരിച്ചത്. അയല്‍വാസിയുടെ കിണറ്റില്‍ വീണ കുടമെടുക്കാനാണ് രവീന്ദ്രന്‍ ഇറങ്ങിയത്. അതിനിടെ രവീന്ദ്രന്‍ വെള്ളത്തിലേക്ക് വീഴുകയായിരുന്നു. പയ്യന്നൂരില്‍ നിന്നും ഫയര്‍ഫോഴ്സ് വന്നാണ് മൃതദേഹം പുറത്തെടുത്തത്.