നെടുമ്പാശ്ശേരിയില്‍ 25 കോടിയുടെ ഹെറോയിനുമായി വിദേശ പൗരന്‍ പിടിയില്‍

കൊച്ചി: നെടുമ്പാശ്ശേരി വിമാനത്താവളത്തില്‍ വന്‍ ലഹരിമരുന്നുവേട്ട. അന്താരാഷ്ട്ര വിപണിയില്‍ കോടികള്‍ വിലയുള്ള ഹെറോയിനുമായി വിദേശ പൗരന്‍ പിടിയിലായി. ദുബയില്‍നിന്നെത്തിയ ടാന്‍സാനിയന്‍ സ്വദേശി അശ്‌റഫ് സാഫിയാണ് പിടിയിലായത്.

ഇയാളില്‍നിന്ന് 25 കോടി വിലമതിക്കുന്ന ഹെറോയിന്‍ പിടിച്ചെടുത്തു. 4.5 കിലോ ഹെറോയിന്‍ ട്രോളി ബാഗില്‍ ഒളിപ്പിച്ചാണ് അനധികൃതമായി കടത്താന്‍ ശ്രമിച്ചതെന്ന് ഡിആര്‍ഐ അറിയിച്ചു.