പ്രക്ഷോഭം ശക്തം; ലബനാന് പ്രധാനമന്ത്രി സഅദ് ഹരീരി രാജിവച്ചു
രണ്ടാഴ്ചയായി ലബനാനില് സര്ക്കാരിനെതിരേ പ്രക്ഷോഭം ശക്തമാണ്. തൊഴിലില്ലായ്മ കടുത്ത സാമ്പത്തിക പ്രതിസന്ധി എന്നിവയിലൂടെയാണ് ലബനാന് കടന്നുപോവുന്നത്.
ബൈറൂത്: ലബനാനില് സര്ക്കാര് വിരുദ്ധ പ്രക്ഷോഭം ശക്തമായതിനെത്തുടര്ന്ന് പ്രധാനമന്ത്രി സഅദ് ഹരിരി രാജിവച്ചു. രാജ്യത്തെ അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യം അറിയിച്ചത്. രണ്ടാഴ്ചയായി ലബനാനില് സര്ക്കാരിനെതിരേ പ്രക്ഷോഭം ശക്തമാണ്. തൊഴിലില്ലായ്മ കടുത്ത സാമ്പത്തിക പ്രതിസന്ധി എന്നിവയിലൂടെയാണ് ലബനാന് കടന്നുപോവുന്നത്. സാമ്പത്തിക പ്രതിസന്ധി അവസാനിപ്പിക്കാന് നികുതി വര്ധിപ്പിക്കുമെന്ന് സര്ക്കാര് പ്രഖ്യാപിച്ചിരുന്നു. ഇതോടെയാണ് രാജ്യത്ത് പ്രതിഷേധം തുടങ്ങിയത്. അതേസമയം, സാമ്പത്തികമാന്ദ്യം മറികടക്കാനായി വാട്സ് ആപ്പ് ഉപയോഗത്തിനടക്കം ഏര്പ്പെടുത്തിയ നികുതി പ്രഖ്യാപനത്തിനെതിരേ ശക്തമായ എതിര്പ്പുമുയര്ന്നു. ഇതെത്തുടര്ന്ന് പ്രഖ്യാപനം പിന്വലിച്ചിരുന്നു.
വീണ്ടും ജനങ്ങളുടെ പ്രതിഷേധം കനത്തതോടെ ഹരീരിയുടെ സര്ക്കാരിന് പിന്തുണയുമായി ഹിസ്ബുല്ല നേതാവ് ഹസ്സന് നസ്റുല്ല രംഗത്തെത്തിയിരുന്നു. സര്ക്കാര് ഇപ്പോള് രാജിവച്ചാല് അത് രാജ്യത്തെ തകര്ക്കുമെന്നും ഹസ്സന് നസ്റുല്ല മുന്നറിയിപ്പ് നല്കി. എന്നാല്, സര്ക്കാര് രാജിവയ്ക്കണമെന്ന ഉറച്ചനിലപാടിലായിരുന്നു പ്രക്ഷോഭകര്. കഴിഞ്ഞ ദിവസം ഹരീരി സര്ക്കാരിലെ ക്രിസ്ത്യന് സഖ്യകക്ഷി മന്ത്രിമാര് രാജിവച്ചിരുന്നു. പ്രക്ഷോഭകരുടെ പ്രധാന ആവശ്യമായ രാജിക്ക് താന് തയ്യാറാണെന്നും പ്രസിഡന്റ് മൈക്കല് ഔണിന് രാജിക്കത്ത് നല്കുകയാണെന്നും സഅദ് അല് ഹരീരി അറിയിച്ചു. അധികാരത്തിലേറിയ ശേഷം മൂന്നാംതവണയാണ് ഹരീരി രാജിപ്രഖ്യാപനം നടത്തുന്നത്.
RELATED STORIES
ഭാര്യയെ 'ഭൂതം, 'പിശാച്' എന്ന് വിളിക്കുന്നത് ക്രൂരതയല്ല; ഭര്ത്താവിന്റെ ...
29 March 2024 11:55 AM GMTകെജ്രിവാളിന് പിന്തുണ അറിയിക്കാന് വാട്സാപ് നമ്പര്; 'കെജ്രിവാള് കൊ ...
29 March 2024 11:21 AM GMT11 കോടി നല്കണം; കോണ്ഗ്രസിന് പിന്നാലെ സിപിഐക്ക് നോട്ടീസ് അയച്ച്...
29 March 2024 11:15 AM GMTപുൽപ്പള്ളി-മാനന്തവാടി റോഡിൽ കാട്ടാനയുടെ മുന്നില്നിന്ന് കാർ...
29 March 2024 11:07 AM GMTകോവിഡിനെ തുടർന്ന് ജോലി നഷ്ടമായപ്പോൾ മോഷണം തുടങ്ങി; ടെക്കി യുവതി...
29 March 2024 11:06 AM GMTപട്ടാമ്പി-പാലക്കാട് റൂട്ടിലെ റെയിൽവേ ഗേറ്റ് തടസ്സം...
29 March 2024 11:04 AM GMT