പട്ടിണി സൂചികയില് ഇന്ത്യ പാകിസ്താനും ബംഗ്ലാദേശിനും പിന്നില്
അയല് രാജ്യങ്ങളായ പാകിസ്താനും ബംഗ്ലാദേശിനും ശ്രീലങ്കയ്ക്കും നേപ്പാളിനും പിന്നിലാണ് പുതിയ പട്ടികയില് ഇന്ത്യ.
ന്യൂഡല്ഹി: ആഗോള പട്ടിണി സൂചികയില് (ഗ്ലോബല് ഹംഗര് ഇന്ഡക്സ്-ജിഎച്ച്ഐ) ഇന്ത്യ കൂടുതല് പിന്നിലേക്ക്. പുതിയ സൂചിക പ്രകാരം 116 രാജ്യങ്ങളുടെ പട്ടികയില് 101-ാം സ്ഥാനത്താണ് ഇന്ത്യ. കഴിഞ്ഞ വര്ഷം 94ാം സ്ഥാനത്ത് ആയിരുന്നു.
അയല് രാജ്യങ്ങളായ പാകിസ്താനും ബംഗ്ലാദേശിനും ശ്രീലങ്കയ്ക്കും നേപ്പാളിനും പിന്നിലാണ് പുതിയ പട്ടികയില് ഇന്ത്യ. ഐറിഷ് സന്നദ്ധ സംഘടനയായ കണ്സേണ് വേള്ഡ്വൈഡും ജര്മന് സംഘടനയായ വെല്റ്റ് ഹങ്കര് ഹില്ഫെയും ചേര്ന്നാണ് ജിഎച്ച്ഐ തയ്യാറാക്കുന്നത്. പോഷകാഹാരക്കുറവ്, ശിശുമരണനിരക്ക്, ശരീരശോഷണം, വളര്ച്ചാ മുരടിപ്പ് എന്നീ സൂചകങ്ങള് അടിസ്ഥാനമാക്കിയാണ് ആഗോള പട്ടിണിസൂചിക തയ്യാറാക്കുന്നത്.
ചൈന, ബ്രസീല്, കുവൈത്ത് എന്നിവ ഉള്പ്പെടെ പതിനെട്ടു രാജ്യങ്ങളാണ് പട്ടികയില് അഞ്ചില് താഴെ സ്കോറുമായി മുന്നിലെത്തിയത്. 101ാം സ്ഥാനത്തുള്ള ഇന്ത്യയുടെ ഗ്ലോബല് ഹങ്കര് ഇന്ഡെക്സ് സ്കോര് 27.5 ആണ്.
പാകിസ്താന്, നേപ്പാള്, ശ്രീലങ്ക തുടങ്ങിയ അയല് രാജ്യങ്ങള് റാങ്കിങ്ങില് ഇന്ത്യയെക്കാള് മുന്നിലാണ്. മ്യാന്മാര് 71ാം സ്ഥാനത്തും പാകിസ്താന് 92ാം സ്ഥാനത്തുമാണ്. ബംഗ്ലാദേശ്, നേപ്പാള് എന്നിവ 76ാമതാണ്. പട്ടികയില് 65ാം സ്ഥാനത്താണ് ശ്രീലങ്ക. ബുറുണ്ടി, കോമറോസ്, സൗത്ത് സുഡാന്, സിറിയ, സൊമാലിയ തുടങ്ങിയ രാജ്യങ്ങളാണ് പട്ടികയില് ഏറ്റവും പിന്നില്.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT