നടിയെ ആക്രമിച്ച കേസ് വീഡിയോ ദൃശ്യങ്ങള്‍ പരിശോധിച്ചെന്ന ആരോപണത്തില്‍ അന്വേഷണം വേണ്ടെന്ന് ഹൈക്കോടതി

കൊച്ചി: യുവനടിയെ പീഡിപ്പിച്ചെന്ന കേസിലെ തെളിവായ വീഡിയോദൃശ്യങ്ങള്‍ നിയമവിരുദ്ധമായി പരിശോധിച്ചെന്ന പരാതിയില്‍ അന്വേഷണം വേണമെന്ന ഹരജി ഹൈക്കോടതി തള്ളി. വീഡിയോ ദൃശ്യങ്ങള്‍ മജിസ്‌ട്രേറ്റ് കോടതിയില്‍ നിരവധി പേര്‍ കണ്ടെന്നും അതില്‍ അന്വേഷണം വേണമെന്നും ആവശ്യപ്പെട്ടാണ് യുവനടി ഹൈക്കോടതിയെ സമീപിച്ചത്. ഈ ആവശ്യമാണ് ജസ്റ്റിസ് സി എസ് ഡയസ് തള്ളിയിരിക്കുന്നത്.

നേരത്തെ ഈ ആരോപണത്തില്‍ എറണാകുളം ജില്ലാ ജഡ്ജി അന്വേഷണം നടത്തിയിരുന്നു. ഈ അന്വേഷണ റിപോര്‍ട്ട് തള്ളണമെന്നും യുവനടി ആവശ്യപ്പെട്ടു. ഈ ആവശ്യവും ഹൈക്കോടതി നിരസിച്ചു.