ജലനിരപ്പ് ഉയര്ന്നു;ഇടമലയാര് ഡാം വൈകുന്നേരം തുറക്കും
വൈകുന്നേരം നാലോടെ ഡാമിന്റെ രണ്ടു ഷട്ടറുകള് 50 മുതല് 100 സെന്റീമീറ്റര് വരെ ഉയര്ത്തി 68 മുതല് 131 ക്യുമെക്സ് വരെ ജലമാണ് പുറത്തേക്ക് ഒഴുക്കുക. ഡാമിലെ നിലവിലെ ജലനിരപ്പ് 164.05 മീറ്ററാണ്
കൊച്ചി:ജലനിരപ്പ് ഉയര്ന്നതിനെ തുടര്ന്ന് വൈകുന്നേരം നാലു മണിയോടെ ഇടമലയാര് ഡാം തുറക്കും.റൂള് കര്വ് പ്രകാരം ഡാമിലെ ജലനിരപ്പ് ക്രമീകരിക്കുന്നതിന്റെ ഭാഗമായിട്ടാണ് അണക്കെട്ടിന്റെ രണ്ട് ഷട്ടറുകള് ഇന്ന് വൈകുന്നേരം നാലോടെ തുറക്കുന്നത്.
50 മുതല് 100 സെന്റീമീറ്റര് വരെ ഷട്ടറുകള് ഉയര്ത്തി 68 മുതല് 131 ക്യുമെക്സ് വരെ ജലമാണ് പുറത്തേക്ക് ഒഴുക്കുക. ഡാമിലെ നിലവിലെ ജലനിരപ്പ് 164.05 മീറ്ററാണ്. ഡാം തുറക്കുന്ന സാഹചര്യത്തില് പെരിയാറിന്റെ തീരത്തുള്ളവര് ജാഗ്രത പാലിക്കണമെന്ന് ജില്ലാ ദുരുന്തനിവാരണ അതോറിറ്റി ചെയര്മാന് കൂടിയായ ജില്ലാ കലക്ടര് അറിയിച്ചു.
പുഴ മുറിച്ചു കടക്കുന്നതും, മീന് പിടിക്കുന്നതും, പുഴയില് വിനോദസഞ്ചാരം നടത്തുന്നതിനും നിരോധനം ഏര്പ്പെടുത്തിയിട്ടുണ്ട്. ശക്തമായ അടിയൊഴുക്കിന് സാധ്യതയുള്ളതിനാല് പെരിയാറിലും കൈവഴികളിലും കുളിക്കുന്നതും തുണി അലക്കുന്നതും ഒഴിവാക്കണം.