കുരങ്ങുകളില്‍ കൊവിഡ് വാക്‌സിന്‍ പരീക്ഷണം നടത്താന്‍ പൂനെ വൈറോളജി ഇന്‍സ്റ്റിറ്റ്യൂട്ടിന് അനുമതി
പരീക്ഷണത്തിനായുള്ള കുരങ്ങുകളെ പൂനെയിലെ വദ്ഗാവ് വനത്തില്‍ നിന്നുമാണ് പിടികൂടുക.
മുംബൈ: കൊവിഡ് പ്രതിരോധ വൈറസ് പരീക്ഷണം കുരങ്ങുകളില്‍ നടത്താന്‍ മഹാരാഷ്ട്ര സര്‍ക്കാര്‍ പൂനെ വൈറോളജി ഇന്‍സ്റ്റിറ്റ്യൂട്ടിനു അനുമതി നല്‍കി. മൂന്നും നാലും വയസുള്ള 30 കുരങ്ങുകളില്‍ പരീകഷിക്കുവാനാണ് തീരുമാനം. പരീക്ഷണത്തിനായുള്ള കുരങ്ങുകളെ പൂനെയിലെ വദ്ഗാവ് വനത്തില്‍ നിന്നുമാണ് പിടികൂടുക.
30 കുരങ്ങുകളെ പിടികൂടി പുനെ വൈറോളജി ഇന്‍സ്റ്റിറ്റ്യൂട്ടിനു കൈമാറാന്‍ മഹാരാഷ്ട്ര വനംവകുപ്പ് മന്ത്രി സഞ്ജയ് റാത്തോഡാണ് ഉത്തരവിട്ടത്. നേരത്തെ അമേരിക്കയിലെ ദേശീയ ആരോഗ്യ ഇന്‍സ്റ്റിറ്റ്യൂട്ടിലും ബ്രിട്ടണിലെ ഓക്‌സ്‌ഫോര്‍ഡ് സര്‍വ്വകലാശാലയും വാക്‌സിന്‍ കുരങ്ങുകളെ പരീക്ഷണങ്ങള്‍ക്കായി ഉപയോഗിച്ചിരുന്നു. എന്നാല്‍ പരീക്ഷണത്തിനിടെ ഇവയ്ക്ക് കൊവിഡ് ബാധിച്ചിരുന്നുവെന്നാണ് റിപോര്‍ട്ട്. പെണ്‍കുരങ്ങുകളെയാണ് സാധാരണ വൈറസ് പരീക്ഷണങ്ങള്‍ക്കായി ഉപയോഗിക്കുക.