യുഎസിനും ഇസ്രായേലിനുമെതിരെ ഉപയോഗിക്കാന് റഷ്യ ഇറാന് ഷഹെദ് ഡ്രോണുകള് നല്കുന്നുണ്ടെന്ന് ഉക്രേനിയന് പ്രസിഡന്റ് വോളോഡിമര് സെലെന്സ്കി. ശനിയാഴ്ച സിഎന്എന്നിന് നല്കിയ അഭിമുഖത്തിലാണ് ഇക്കാര്യം പറഞ്ഞത്.
വിലകൂടിയ മിസൈലുകള്ക്ക് വളരെ വിലകുറഞ്ഞ ബദലായ ഷഹെദ് ഡ്രോണുകള് ഇറാന് കണ്ടെത്തി. എന്നാല് ഇപ്പോള് റഷ്യ സ്വന്തമായി ഷഹെദ് ഡ്രോണുകള് നിര്മ്മിക്കുന്നു.
2022 അവസാനം മുതല് ഉക്രെയ്നിനെതിരെ ആയിരക്കണക്കിന് ഡ്രോണുകള് റഷ്യന് സൈന്യം വിക്ഷേപിച്ചിട്ടുണ്ടെന്ന് ഉക്രേനിയക്കാര് പറയുന്നു.
യുഎസ് താവളങ്ങള് ആക്രമിക്കാന് ഇറാന് റഷ്യന് നിര്മ്മിത ഷഹെദ് ഡ്രോണുകള് ഉപയോഗിച്ചിട്ടുണ്ടെന്നത് '100% വസ്തുതകള്' ആണെന്ന് സെലെന്സ്കി സിഎന്എന്നിന്റെ ഫരീദ് സക്കറിയയോട് പറഞ്ഞു.