ആലപ്പുഴ: തോട്ടപ്പള്ളി സ്പില്‍വേ പൊഴി മുറിക്കല്‍ പ്രവൃത്തിക്കെതിരേ പ്രദേശവാസികള്‍ പ്രക്ഷോഭം ആരംഭിച്ചതോടെ ജില്ലയിലെ തൃക്കുന്നപ്പുഴ, പുറക്കാട് പഞ്ചായത്തുകളില്‍ ജില്ലാ കലക്ടര്‍ നിരോധനാജ്ഞ പ്രഖ്യാപിച്ചു. ഇന്ന് അര്‍ധരാത്രി മുതല്‍ ജൂലൈ മൂന്നുവരെയാണ് നിരോധനാജ്ഞ പ്രഖ്യാപിച്ചത്. മഴക്കാലത്തിന് മുമ്പ് പൊഴി മുറിക്കല്‍ ജോലിക്കള്‍ തീര്‍ക്കേണ്ടതുണ്ടെന്നും എന്നാല്‍ പ്രതിഷേധങ്ങള്‍ കാരണം നടപടി വൈകുന്നതിനാലാണ് നിരോധനാജ്ഞ പ്രഖ്യാപിച്ചതെന്നും ജില്ലാ ഭരണകൂടം അറിയിച്ചു. ഇതിന്റെ ഭാഗമായി ആളുകള്‍ കൂട്ടം കൂടുന്നത് കൊവിഡ് വ്യാപനത്തിന് ഇടയാക്കിയേക്കും എന്നത് കൂടി കണക്കിലെടുത്താണ് നിരോധനാജ്ഞ പ്രഖ്യാപിച്ചത്. നേരത്തേ കൊവിഡ് രോഗികളായ പിതാവും മകനും സന്ദര്‍ശിച്ചതിനെ തുടര്‍ന്ന് കായംകുളം നഗരത്തിലെ ഏതാനും സ്ഥാപനങ്ങള്‍ അധികൃതര്‍ അടപ്പിച്ചിരുന്നു. ഇവരുടെ റൂട്ട് മാപ്പ് വന്നാല്‍ കൂടുതല്‍ നിയന്ത്രണങ്ങള്‍ ഏര്‍പ്പെടുത്താന്‍ സാധ്യതയുണ്ട്.
Prohibition act on two panchayats in Alappuzha