'അടുത്തത് നീ' ജസീന്ഡ ആര്ഡേനെതിരേ വധ ഭീഷണി
അടുത്തത് നീയെന്ന അടിക്കുറിപ്പിനോടൊപ്പം തോക്കിന്റെ ചിത്രമാണ് ജസീന്ഡയ്ക്ക് അയച്ചത്. അടുത്തത് നീ എന്ന അടിക്കുറിപ്പോടെ പ്രധാനമന്ത്രിക്കും പോലിസിനുമെതിരേ മറ്റൊരു ഭീഷണിയും പോസ്റ്റ് ചെയ്തിട്ടുണ്ട്.
വെല്ലിങ്ടണ്: ക്രൈസ്റ്റ്ചര്ച്ച് നഗരത്തിലെ മുസ്ലിം പള്ളിയിലുണ്ടായ വെടിവയ്പില് 50 പേര് കൊല്ലപ്പെട്ടതിനു പിന്നാലെ സാമൂഹിക മാധ്യമത്തിലൂടെ ന്യൂസിലന്ഡ് പ്രധാനമന്ത്രി ജസീന്ദ ആര്ഡേനെതിരേ വധഭീഷണി. അടുത്തത് നീയെന്ന അടിക്കുറിപ്പിനോടൊപ്പം തോക്കിന്റെ ചിത്രമാണ് ജസീന്ദയ്ക്ക് അയച്ചത്. അടുത്തത് നീ എന്ന അടിക്കുറിപ്പോടെ പ്രധാനമന്ത്രിക്കും പോലിസിനുമെതിരേ മറ്റൊരു ഭീഷണിയും പോസ്റ്റ് ചെയ്തിട്ടുണ്ട്. ട്വിറ്റര് കാര്യങ്ങള് പരിശോധിച്ചുവരികയാണെന്നും നടപടി സ്വീകരിക്കുമെന്ന് അറിയിച്ചതായും പ്രധാനമന്ത്രിയുടെ ഓഫിസ് വക്താവ് പ്രതികരിച്ചു.
അതേസമയം, വൈകീട്ടോടെ അധികൃതര് ഈ ട്വിറ്റര് എക്കൗണ്ട് സസ്പെന്റ് ചെയ്തിട്ടുണ്ട്. ഭീഷണിയെത്തിയ അക്കൗണ്ടില് ഇസ്ലാം വിരുദ്ധവും വെള്ള വംശീയത നിറഞ്ഞുനില്ക്കുന്നതുമായ ഉള്ളടക്കവും ഉള്ളതായി അധികൃതര് പറഞ്ഞു. 28കാരനായ ആസ്ത്രേലിയന് പൗരന് ക്രൈസ്റ്റ് ചര്ച്ചിലെ മസ്ജിദുകളില് നടത്തിയ വെടിവയ്പില് 50 പേര് കൊല്ലപ്പെട്ടിരുന്നു. ആക്രമണത്തിനു തൊട്ടുപിന്നാലെ ഇരകളുടെ മുറിവുണക്കുന്നതിന് ജസീന്ദ കൈകൊണ്ട നടപടികള് ആഗോള ശ്രദ്ധപിടിച്ചു പറ്റിയിരുന്നു.