കുവൈത്ത് സിറ്റി: കുവൈത്തില്‍ ഭാഗിക കര്‍ഫ്യൂ റമദാന്‍ അവസാനം വരെ തുടരും. ഏപ്രില്‍ 22 വരെയാണ് നിലവില്‍ പ്രഖ്യാപിച്ചിരുന്നത്. തിങ്കളാഴ്ച മന്ത്രിസഭ യോഗം ചേര്‍ന്ന് ഇത് നീട്ടാന്‍ തീരുമാനിക്കുകയായിരുന്നു. രാത്രി ഏഴുമുതല്‍ പുലര്‍ച്ചെ അഞ്ചുവരെയാണ് കര്‍ഫ്യൂ. രാത്രി പത്തുവരെ റെസിഡന്‍ഷ്യല്‍ ഏരിയയില്‍ നടക്കാന്‍ പ്രത്യേക അനുമതിയുണ്ട്. ഷോപ്പിങ് അപ്പോയിന്റ്‌മെന്റ് രാത്രി ഏഴുമുതല്‍ 12 വരെയും റസ്റ്റോറന്റ് ഡെലിവറി രാത്രി ഏഴുമുതല്‍ പുലര്‍ച്ചെ മൂന്നുവരെയുമാണ്.