മഞ്ചേശ്വരം തിരഞ്ഞെടുപ്പ് അക്രമക്കേസ്; സിപിഎം നേതാവ് ഉള്‍പ്പെടെ ഏഴുപേര്‍ക്ക് തടവ്
കാസര്‍കോട്: മഞ്ചേശ്വരം തിരഞ്ഞെടുപ്പ് അക്രമക്കേസില്‍ സിപിഎം നേതാവ് ഉള്‍പ്പെടെ ഏഴുപേര്‍ക്ക് കോടതി തടവുശിക്ഷ വിധിച്ചു.സിപിഎം കുമ്പള ഏരിയ സെക്രട്ടറി സി എ സുബൈറിനെ നാല് വര്‍ഷം തടവിനും സിപിഎം പ്രവര്‍ത്തകരായ സിദ്ധിഖ് കാര്‍ള, കബീര്‍, അബ്ബാസ് ജാഫര്‍, സിജു, നിസാമുദ്ദീന്‍, ഫര്‍ഹാന്‍ എന്നിവരെ രണ്ട് വര്‍ഷം തടവിനുമാണ് കാസര്‍കോട് സബ് കോടതി ശിക്ഷിച്ചത്. 2016 നിയമസഭാ തിരഞ്ഞെടുപ്പിനോടനുബന്ധിച്ച് ഉണ്ടായ അക്രമ സംഭവവുമായി ബന്ധപ്പെട്ടായിരുന്നു കേസ്. മേഞ്ചശ്വരം മണ്ഡലത്തില്‍ പി ബി അബ്ദുര്‍റസാഖ് വിജയിച്ചതിന് പിന്നാലെ മുസ് ലിം ലീഗ് പ്രവര്‍ത്തകര്‍ നടത്തിയ ആഹ്ലാദ പ്രകടനത്തിനിടെ സിപിഎം പ്രവര്‍ത്തകരുടെ നേതൃത്വത്തില്‍ അക്രമണം നടത്തിയെന്നായിരുന്നു പരാതി.