പഴയ പത്തുരൂപ നോട്ട് നല്കിയതിനെ ചൊല്ലി തര്ക്കം; ഇടപാടുകാരനെ പച്ചക്കറി വ്യാപാരി കുത്തിക്കൊന്നു
ദാദര് സ്റ്റേഷന് പുറത്ത് ഇന്നലെ രാത്രി 11 മണിയോടെയാണ് സംഭവം. വ്യാപാരിയുമായി തര്ക്കത്തിലേര്പ്പെട്ട മുഹമ്മദ് ഹനീഫ് സിദ്ദിഖിയാണ് കൊല്ലപ്പെട്ടതെന്ന് പോലിസ് പറഞ്ഞു.
മുംബൈ: പഴയ പത്തുരൂപ നല്കിയതിനെചൊല്ലിയുണ്ടായ തകര്ക്കത്തെതുടര്ന്ന് ഇടപാടുകാരനായ യുവാവിനെ പച്ചക്കറി വ്യാപാരി കുത്തിക്കൊന്നു. ദാദര് സ്റ്റേഷന് പുറത്ത് ഇന്നലെ രാത്രി 11 മണിയോടെയാണ് സംഭവം. വ്യാപാരിയുമായി തര്ക്കത്തിലേര്പ്പെട്ട മുഹമ്മദ് ഹനീഫ് സിദ്ദിഖിയാണ് കൊല്ലപ്പെട്ടതെന്ന് പോലിസ് പറഞ്ഞു. സംഭവത്തില് പച്ചക്കറി വ്യാപാരിയായ സോണി ലാല് മഹന്തോവിനെ ദാദറിലെ ശിവാജി പാര്ക്ക് പോലിസ് അറസ്റ്റ് ചെയ്തു.
വാങ്ങിയ പച്ചക്കറിക്കു പകരമായി 'പഴയ' പത്തുരൂപ നോട്ട് നല്കിയതുമായി ബന്ധപ്പെട്ട് തര്ക്കമുണ്ടാവുകയും പ്രകോപിതനായ സോണി ലാല് മഹന്തോ പച്ചക്കറി അരിയാന് ഉപയോഗിക്കുന്ന കത്തിയെടുത്ത് സിദ്ധീഖിയെ കുത്തുകയുമായിരുന്നുവെന്ന് പോലിസ് പറഞ്ഞു.