മെഡിക്കല്‍ ബില്‍: മെഡിക്കല്‍ വിദ്യാര്‍ഥികള്‍ ഇന്ന് രാജ്യവ്യാപകമായി പഠിപ്പ് മുടക്കും
ഇന്ന് രാത്രിമുതല്‍ എല്ലാ മെഡിക്കല്‍ കോളജുകളിലും രണ്ട് വിദ്യാര്‍ഥികള്‍ വീതം നിരാഹാര സമരം തുടങ്ങും. സമരം എങ്ങനെ തുടര്‍ന്നു കൊണ്ടുപോകണമെന്ന് പിന്നീട് യോഗം ചേര്‍ന്ന് തീരുമാനിക്കും.
ന്യൂഡല്‍ഹി: ഡോക്ടര്‍മാരുടെ രാജ്യവ്യാപക പ്രതിഷേധം അവഗണിച്ച് മെഡിക്കല്‍ കമ്മീഷന്‍ ബില്‍ രാജ്യസഭ പാസാക്കിയ കേന്ദ്രസര്‍ക്കാര്‍ നടപടിയില്‍ പ്രതിഷേധിച്ച് സമരം ശക്തമാക്കാന്‍ ഐഎംഎ മെഡിക്കല്‍ വിദ്യാര്‍ഥികള്‍ വെള്ളിയാഴ്ച രാജ്യവ്യാപകമായി പഠിപ്പ് മുടക്കും. ഇന്ന് രാത്രിമുതല്‍ എല്ലാ മെഡിക്കല്‍ കോളജുകളിലും രണ്ട് വിദ്യാര്‍ഥികള്‍ വീതം നിരാഹാര സമരം തുടങ്ങും. സമരം എങ്ങനെ തുടര്‍ന്നു കൊണ്ടുപോകണമെന്ന് പിന്നീട് യോഗം ചേര്‍ന്ന് തീരുമാനിക്കും. സമരത്തിന്റെ രണ്ടാംഘട്ടത്തില്‍ ഡോക്ടര്‍മാരും സമരത്തിലേക്ക് നീങ്ങിയേക്കും.