ഹരിയാന മുഖ്യമന്ത്രി മനോഹര്‍ ലാല്‍ ഖട്ടാറിന് കൊവിഡ്
നേരത്തെ കേന്ദ്രമന്ത്രി ഗജേന്ദ്ര സിംഗ് ശെഖാവത്തിന് കൊവിഡ് സ്ഥിരീകരിച്ചതിനെ തുടര്‍ന്ന് ഖട്ടാര്‍ സ്വയം നിരീക്ഷണത്തില്‍ പോയിരുന്നു.
ന്യൂഡല്‍ഹി: ഹരിയാന മുഖ്യമന്ത്രി മനോഹര്‍ ലാല്‍ ഖട്ടാറിന് കൊവിഡ് സ്ഥിരീകരിച്ചു. ഇതേ തുടര്‍ന്ന് അദ്ദേഹത്തെ ഗുരുഗ്രാമിലുള്ള മേദാന്ത ആശുപത്രിയില്‍ പ്രവേശിപ്പിച്ചു.
തനിക്ക് കൊവിഡ് പോസിറ്റീവാണെന്നും അതുകൊണ്ട് താനുമായി സമ്പര്‍ക്കത്തിലുള്ളവര്‍ പരിശോധന നടത്തണമെന്നും ക്വാറന്റൈനില്‍ പോകണമെന്നും ഖട്ടാര്‍ ട്വിറ്ററില്‍ കുറിച്ചു.
I was tested for Novel Corona Virus today. My test report has returned positive.
— Manohar Lal (@mlkhattar) August 24, 2020
I appeal to all colleagues and associates who came in my contact over the last week to get themselves tested. I request my close contacts to move into strict quarantine immediately.
ഹരിയാന സ്പീക്കര്‍ ജിയാന്‍ ചന്ദ് ഗുപ്തക്ക് ഇന്നലെ കൊവിഡ് സ്ഥിരീകരിച്ചിരുന്നു. സ്പീക്കറിനു കൊവിഡ് സ്ഥിരീകരിച്ചതിനാല്‍ മുഖ്യമന്ത്രി ഉള്‍പ്പെടെയുള്ള മറ്റു മന്ത്രിമാര്‍ കൊവിഡ് പരിശോധനയ്ക്ക് വിധേയരാകണമെന്ന് അധികൃതര്‍ അറിയിച്ചിരുന്നു. തുടര്‍ന്ന് നടത്തിയ പരിശോധനയിലാണ് മനോഹര്‍ ലാല്‍ ഘട്ടറിന് കൊവിഡ് ബാധയുള്ളതായി കണ്ടെത്തിയത്. ഒപ്പം രണ്ട് എംഎല്‍എമാര്‍ക്കും കൊവിഡ് സ്ഥിരീകരിച്ചിട്ടുണ്ട്. നേരത്തെ കേന്ദ്രമന്ത്രി ഗജേന്ദ്ര സിംഗ് ശെഖാവത്തിന് കൊവിഡ് സ്ഥിരീകരിച്ചതിനെ തുടര്‍ന്ന് ഖട്ടാര്‍ സ്വയം നിരീക്ഷണത്തില്‍ പോയിരുന്നു.