തൃശൂര്‍: കാംപസ് ഫ്രണ്ട് ഓഫ് ഇന്ത്യ കേരള സംസ്ഥാന കമ്മിറ്റി സംഘടിപ്പിക്കുന്ന 'ജെനോ സീന്‍' വംശഹത്യാ വിരുദ്ധ ചലച്ചിത്രപ്രദര്‍ശനം ഇന്ന് തൃശൂര്‍ ജവഹര്‍ ബാലഭവനില്‍ നടക്കും. നിരവധി ചലച്ചിത്രമേളകളില്‍ അംഗീകാരങ്ങള്‍ ഏറ്റുവാങ്ങിക്കൊണ്ടിരിക്കുന്ന 'മുഹബ്ബത്തിന്‍ കുഞ്ഞബ്ദുല്ല' എന്ന ചിത്രത്തിന്റെ സംവിധായകന്‍ ഷാനു സമദ് പരിപാടി ഉദ്ഘാടനം ചെയ്യും. വംശഹത്യ എന്ന വിഷയം ചര്‍ച്ച ചെയ്യുന്ന മൂന്ന് സിനിമകളും ഒരു ഡോക്യുമെന്ററിയുമാണ് പ്രദര്‍ശിപ്പിക്കുക. ഫെബ്രുവരി 28നു ഗുജറാത്ത് വംശഹത്യ ദിനത്തോടനുബന്ധിച്ച് കാംപസ് ഫ്രണ്ട് സംസ്ഥാന വ്യാപകമായി നടത്തുന്ന 'ഗുജറാത്ത് മറക്കില്ല' എന്ന കാംപയിന്റെ ഭാഗമായാണ് ചലച്ചിത്ര പ്രദര്‍ശനം സംഘടിപ്പിച്ചിരിക്കുന്നത്. സമാപന സെഷനില്‍ വംശഹത്യയും സിനിമയുടെ പ്രസക്തിയും എന്ന വിഷയത്തില്‍ ഗാനരചയിതാവ് ഷാജഹാന്‍ ഒരുമയന്നൂര്‍ സംസാരിക്കും.