സിപിഎം പാര്ട്ടി കോണ്ഗ്രസില് ഇന്ന് കരട് രാഷ്ട്രീയ പ്രമേയത്തില് ചര്ച്ച
കണ്ണൂര്: സിപിഎം പാര്ട്ടി കോണ്ഗ്രസിന്റെ രണ്ടാം ദിനമായ ഇന്ന് ജനറല് സെക്രട്ടറി സീതാറാം യെച്ചൂരി അവതരിപ്പിച്ച കരട് രാഷ്ട്രീയ പ്രമേയത്തില് ചര്ച്ച നടക്കും. കേരളത്തില് നിന്ന് മൂന്ന് പേരാണ് ചര്ച്ചയില് പങ്കെടുക്കുന്നത്. ചര്ച്ച പൂര്ത്തിയായ ശേഷം രാഷ്ട്രീയ പ്രമേയത്തിന് സമ്മേളനം അംഗീകാരം നല്കും. ഇന്നലെ മൂന്ന് മണിക്കൂര് നീണ്ട കരട് പ്രമേയമാണ് സീതാറാം യെച്ചൂരി അവതരിപ്പിച്ചത്. കരട് രാഷ്ട്രീയ പ്രമേയ അവതരണത്തില് റഷ്യക്കെതിരെ കടുത്ത വിമര്ശനമാണ് സീതാറാം യെച്ചൂരി ഉന്നയിച്ചത്. പുടിന്റേത് സങ്കുചിത ദേശീയ ചിന്താഗതിയാണ്. ഇത് പ്രതിസന്ധിക്ക് ആക്കം കൂട്ടി. ശ്രീലങ്ക നേരിടുന്നത് ആഗോളവത്കരണ പാതയുടെ പ്രതിസന്ധിയാണെന്നെന്നും കരട് രാഷ്ട്രീയ പ്രമേയത്തില് യെച്ചൂരി പറഞ്ഞു.