കൈക്കൂലി വാങ്ങുന്നതിനിടെ കോര്പറേഷന് ഉദ്യോഗസ്ഥന് പിടിയില്
കോഴിക്കോട് തങ്ങള് റോഡിലെ കോഴിക്കോട് കോര്പറേഷന് മേഖലാ കാര്യലയത്തിലെ ജൂനിയര് സൂപ്രണ്ട് സിനിലാണ് 3,000 രൂപ കൈക്കൂലി വാങ്ങുന്നതിനിടെ പിടിയിലായത്.
കോഴിക്കോട്: കൈക്കൂലി വാങ്ങുന്നതിനിടെ കോഴിക്കോട് കോര്പറേഷന് ഉദ്യോഗസ്ഥനെ വിജിലന്സ് പിടികൂടി. കോഴിക്കോട് തങ്ങള് റോഡിലെ കോഴിക്കോട് കോര്പറേഷന് മേഖലാ കാര്യലയത്തിലെ ജൂനിയര് സൂപ്രണ്ട് സിനിലാണ് 3,000 രൂപ കൈക്കൂലി വാങ്ങുന്നതിനിടെ പിടിയിലായത്.
ഡി ആന്ഡ് ഒ ലൈസന്സ് അപേക്ഷിച്ചയാളോടാണ് സിനില് കൈക്കൂലി ആവശ്യപ്പെട്ടത്. തുടര്ന്ന് പരാതിക്കാരന് വിജിലന്സിനെ സമീപിച്ചു. തുടര്ന്ന് വിജിലന്സ് നല്കിയ പണം രാവിലെ ഒമ്പതിന് ഉദ്യോഗസ്ഥന് കൈമാറി. ഇതോടെ സംഭവസ്ഥലത്ത് കാത്തുനിന്ന വിജിലന്സ് ഉദ്യോഗസ്ഥര് സിനിലിനെ പിടികൂടുകയായിരുന്നു.
ഓഫിസിനുള്ളില് വിശദമായ പരിശോധന നടത്തിയ ഉദ്യോഗസ്ഥര് രജിസ്റ്റര് സൂക്ഷിപ്പിലടക്കം ക്രമക്കേടുകള് കണ്ടെത്തിയിട്ടുണ്ട്. സിനിലെ കോടതിയില് ഹാജരാക്കി റിമാന്ഡ് ചെയ്തു.