'മക്കളെ കൊലപ്പെടുത്തിയതാണ്'; സിബിഐ വാദം തള്ളി വാളയാര്‍ പെണ്‍കുട്ടികളുടെ അമ്മ
തന്റെ മക്കള്‍ ഒരിക്കലും ആത്മഹത്യ ചെയ്യില്ലെന്നും മക്കളെ അവര്‍ കൊലപ്പെടുത്തിയതാണെന്നും അമ്മ ആവര്‍ത്തിച്ചു.
പാലക്കാട്: സിബിഐ ഏത് അര്‍ത്ഥത്തിലാണ് കുട്ടികളുടെ മരണം ആത്മഹത്യയെന്ന നിഗമനത്തിലെത്തിയതെന്ന് അറിയണമെന്ന് വാളയാര്‍ കുട്ടികളുടെ അമ്മ. തന്റെ മക്കള്‍ ഒരിക്കലും ആത്മഹത്യ ചെയ്യില്ലെന്നും മക്കളെ അവര്‍ കൊലപ്പെടുത്തിയതാണെന്നും അമ്മ ആവര്‍ത്തിച്ചു.
സിബിഐ അന്വേഷണം ശരിയായ രീതിയില്‍ അല്ലെങ്കില്‍ വീണ്ടും കോടതിയില്‍ പോവുമെന്നും അമ്മ പ്രതികരിച്ചു. സിബിഐ കുറ്റപത്രത്തിനെതിരേ ഹൈകോടതിയെ സമീപിക്കാന്‍ സമരസമിതിയും തീരുമാനിച്ചു.