രക്തം മാറ്റിയില്ല; ചന്ദ്രശേഖര് ആസാദിനെ ജയിലിലേക്ക് തന്നെ മാറ്റി
പൗരത്വ നിയമ ഭേദഗതിക്കെതിരെയുള്ള പ്രതിഷേധത്തെ തുടര്ന്ന് അറസ്റ്റിലായ ആസാദിന്റെ ആരോഗ്യനില ഗുരുതരമാണെന്ന് റിപ്പോര്ട്ടുകളുണ്ടായിരുന്നു. കഴിഞ്ഞ 21 ന് ദില്ലി ജമാ മസ്ജിദില് നടന്ന പ്രതിഷേധത്തിനിടെയാണ് ചന്ദ്രശേഖര് ആസാദിനെ പോലിസ് അറസ്റ്റ് ചെയ്തത്.
ന്യൂഡല്ഹി: ഗുരുതരമായ ആരോഗ്യപ്രശ്നങ്ങള് നേരിടുന്ന ഭീം ആര്മി നേതാവ് ചന്ദ്രശേഖര് ആസാദിനെ വൈദ്യ പരിശോധനക്ക് ശേഷം ജയിലിലേക്ക തന്നെ കൊണ്ടുപോയി. അസുഖ ബാധിതനായ ആസാദിന് രണ്ടാഴ്ചയില് ഒരിക്കല് രക്തം മാറ്റണം എന്ന് അദ്ദേഹത്തെ ചികിത്സിച്ചിരുന്ന ദില്ലി എയിംസ് ആശുപത്രിയിലെ ഡോക്ടര്മാര് അറിയിച്ചിരുന്നുവെങ്കിലും ആസാദിന്റെ രക്തം മാറ്റിയില്ല. ദില്ലി ദീന് ദയാല് ഉപാധ്യായ ആശുപത്രിയിലാണ് ആസാദിന്റെ വൈദ്യ പരിശോധന നടത്തിയത്.
പൗരത്വ നിയമ ഭേദഗതിക്കെതിരെയുള്ള പ്രതിഷേധത്തെ തുടര്ന്ന് അറസ്റ്റിലായ ആസാദിന്റെ ആരോഗ്യനില ഗുരുതരമാണെന്ന് റിപ്പോര്ട്ടുകളുണ്ടായിരുന്നു. കഴിഞ്ഞ 21 ന് ദില്ലി ജമാ മസ്ജിദില് നടന്ന പ്രതിഷേധത്തിനിടെയാണ് ചന്ദ്രശേഖര് ആസാദിനെ പോലിസ് അറസ്റ്റ് ചെയ്തത്. ഡിസംബര് 21 ന് ആസാദിന്റെ ജാമ്യം നിരസിച്ച ദില്ലി കോടതി ഇദ്ദേഹത്തെ 14 ദിവസത്തേക്കാണ് ജുഡീഷ്യല് കസ്റ്റഡിയില് വിട്ടത്. തിഹാര് ജയിലില് റിമാന്റിലായിരുന്ന ആസാദിന്റെ ആരോഗ്യനില മോശമായിട്ടും അധികൃതര് ചികിത്സ നിഷേധിക്കുകയാണെന്ന് പരാതി ഉയര്ന്നിരുന്നു.