മുസ് ലിം മധ്യവയസ്‌കനെ തുപ്പല്‍ നക്കിച്ച് ബിജെപി പ്രവര്‍ത്തകര്‍; ജയ് ശ്രീ രാം വിളിപ്പിച്ചു (വീഡിയോ)
ജാര്‍ഖണ്ഡ്: ബിജെപി ഭരണത്തില്‍ ദേശവ്യാപകമായി മുസ് ലിം വിരുദ്ധ വംശീയ അതിക്രമങ്ങള്‍ വര്‍ധിക്കുന്നതിനിടെ ജാര്‍ഖണ്ഡില്‍ നിന്നും ഒരു ഞെട്ടിക്കുന്ന സംഭവം കൂടി റിപ്പോര്‍ട്ട് ചെയ്തു. മുസ് ലിം മധ്യവയസ്‌കനെ ബിജെപി പ്രവര്‍ത്തകര്‍ ജനമധ്യത്തില്‍ ക്രൂരമായി മര്‍ദിക്കുന്നതിന്റേയും റോഡിലെ തുപ്പല്‍ നക്കിക്കുന്നതിന്റേയും വീഡിയോ ദൃശ്യമാണ് പുറത്ത് വന്നിരിക്കുന്നത്.
This is from Dhanbad, Jharkhand.
— HindutvaWatch (@HindutvaWatchIn) January 7, 2022
A Muslim man was brutally beaten up by BJP workers, they forced him to spit & lick,chant Jai Sri Ram. pic.twitter.com/fLwjFYK6uS
ഒരു മുസ് ലിം മധ്യവയസ്‌കനെ ബിജെപി പ്രവര്‍ത്തകര്‍ ക്രൂരമായി മര്‍ദ്ദിക്കുന്നതും അവര്‍ അയാളോട് നിലത്ത് തുപ്പാന്‍ പറയുന്നതും അത് അയാളെ കൊണ്ട് തന്നെ നക്കിക്കുന്നതും വീഡിയോ ദൃശ്യങ്ങളില്‍ കാണാം. മധ്യവയസ്‌കനെ ക്രൂരമായി മര്‍ദിക്കുന്ന ബിജെപി പ്രവര്‍ത്തകര്‍ അയാളെ കൊണ്ട് ജയ് ശ്രീ രാം വിളിപ്പിക്കുന്നുണ്ട്. മുസ് ലിംകളെ അരക്ഷിതാവസ്ഥയിലാക്കുന്നതിന്റെ ഭാഗമായി ഇത്തരം വംശീയ അതിക്രമങ്ങളുടെ വീഡിയോ ദൃശ്യങ്ങള്‍ സംഘപരിവാര്‍ പ്രവര്‍ത്തകര്‍ തന്നെ സാമൂഹിക മാധ്യമങ്ങളിലൂടെ പ്രചരിപ്പിക്കുന്നത്. സമീപകാലത്തായി ഇത്തരം വംശീയ അതിക്രമങ്ങള്‍ വര്‍ധിച്ചിട്ടും പോലിസും ഭരണകൂടവും യാതൊരു നടപടിയെടുക്കുന്നില്ലെന്ന പരാതിയും ശക്തമാണ്.