ഹരിയാന: കല്‍ക്കരി ഖനിയില്‍ മണ്ണിടിച്ചില്‍; 3 മരണം, നിരവധി പേരെ കാണാതായി
തോഷാം ബ്ലോക്കിലെ ദദാം മൈനിങ് സോണിലാണ് അപകടം. ഏതാനും ട്രക്കുകളും യന്ത്രങ്ങളും മണ്ണിനടിയിലായെന്നും പോലിസ് പറയുന്നു. മരിച്ചവരെ തിരിച്ചറിഞ്ഞിട്ടില്ല.
ഭിവാനി: ഹരിയാനയില്‍ ഭിവാനിയില്‍ കല്‍ക്കരി ഖനിയിലുണ്ടായ മണ്ണിടിച്ചിലില്‍ മൂന്നു പേര്‍ മരിച്ചു. നിരവധി പേരെ കാണാതായി. തോഷാം ബ്ലോക്കിലെ ദദാം മൈനിങ് സോണിലാണ് അപകടം. ഏതാനും ട്രക്കുകളും യന്ത്രങ്ങളും മണ്ണിനടിയിലായെന്നും പോലിസ് പറയുന്നു. മരിച്ചവരെ തിരിച്ചറിഞ്ഞിട്ടില്ല.
എത്ര പേര്‍ മണ്ണിനടിയില്‍ കുടുങ്ങിക്കിടക്കുന്നുണ്ടെന്ന് വ്യക്തമല്ലെന്ന് തോഷാം എംഎല്‍എ കിരണ്‍ ചൗധരി പറഞ്ഞു. ദേശീയ ഹരിത ട്രൈബ്യൂണല്‍ ഉത്തരവ് പ്രകാരം ഖനനം നിരോധിക്കപ്പെട്ട മേഖലയാണ് ഇവിടം. മണ്ണിനടിയില്‍ കുടുങ്ങിപ്പോയവരില്‍ കുറച്ചുപേരെങ്കിലും മരിച്ചിരിക്കാമെന്നും എംഎല്‍എ പറഞ്ഞു.
