ഓസ്‌ട്രേലിയന്‍ ഓപ്പണ്‍; നയോമി ഒസാക്ക പുറത്ത്
നാല് മാസത്തെ ഇടവേളയ്ക്ക് ശേഷമാണ് 13ാം സീഡായ ഒസാക്ക ക്വാര്‍ട്ടറില്‍ ഇറങ്ങിയത്.
മെല്‍ബണ്‍: ഓസ്‌ട്രേലിയന്‍ ഓപ്പണില്‍ നിന്ന് നിലവിലെ വനിതാ ചാംപ്യന്‍ ജപ്പാന്റെ നയോമി ഒസാക്ക പുറത്തായി. സീഡ് ചെയ്യാത്ത അമേരിക്കയുടെ അമാന്‍ഡാ അനിസിമോവ 4-6, 6-3, 7-6 സെറ്റുകള്‍ക്കാണ് മുന്‍ ലോക ഒന്നാം നമ്പര്‍ താരത്തെ പരാജയപ്പെടുത്തിയത്. നാല് മാസത്തെ ഇടവേളയ്ക്ക് ശേഷമാണ് 13ാം സീഡായ ഒസാക്ക ക്വാര്‍ട്ടറില്‍ ഇറങ്ങിയത്. മുന്‍ ലോക നാലാം റാങ്കുകാരിയായ സ്വിറ്റ്‌സര്‍ലന്റിന്റെ ബെലിന്‍ഡയെയാണ് അമാന്‍ഡ മൂന്നാം റൗണ്ടില്‍ പരാജയപ്പെടുത്തിയത്. പ്രീക്വാര്‍ട്ടറില്‍ ലോക ഒന്നാം നമ്പര്‍ ആഷ്‌ലി ബാര്‍ട്ടിയാണ് അമാന്‍ഡയുടെ എതിരാളി. വനിതാ വിഭാഗത്തില്‍ സൂപ്പര്‍ താരങ്ങളായ വിക്ടോറിയാ അസരന്‍ങ്ക, ബാര്‍ബോറാ ക്രജസികോവാ എന്നിവരും പ്രീക്വാര്‍ട്ടറില്‍ കടന്നു.