യുസെയ്ന് ബോള്ട്ട് ഫുട്ബോളില്നിന്ന് വിരമിച്ചു
ബോള്ട്ട് ട്രാക്കില്നിന്നു വിരമിച്ച ശേഷമാണു ഫുട്ബോളിലേക്കെത്തിയത്. നിരവധി പ്രശസ്ത ക്ലബ്ബുകളില് ട്രയല്സ് നടത്തിയ ബോള്ട്ട് ആസ്ത്രേലിയന് ഒന്നാം ഡിവിഷന് ക്ലബ്ബായ സെന്ട്രല് കോസ്റ്റ് മറൈനേഴ്സിലൂടെയാണ് അരങ്ങേറ്റം നടത്തിയത്.
ജമൈക്ക: ഇതിഹാസതാരമായ യുസെയ്ന് ബോള്ട്ട് ഫുട്ബോളില്നിന്ന് വിരമിച്ചു. താന് ഫുട്ബോള് കരിയര് അവസാനിപ്പിക്കുകയാണെന്ന് വിരമിക്കുകയാണെന്നും ഇനി പ്രഫഷനല് ഫുട്ബോളറാവാന് ശ്രമിക്കില്ലെന്നും വിരമിക്കല് പ്രഖ്യാപിച്ചുകൊണ്ട് ബോള്ട്ട് പറഞ്ഞു. ബോള്ട്ട് ട്രാക്കില്നിന്നു വിരമിച്ച ശേഷമാണു ഫുട്ബോളിലേക്കെത്തിയത്. നിരവധി പ്രശസ്ത ക്ലബ്ബുകളില് ട്രയല്സ് നടത്തിയ ബോള്ട്ട് ആസ്ത്രേലിയന് ഒന്നാം ഡിവിഷന് ക്ലബ്ബായ സെന്ട്രല് കോസ്റ്റ് മറൈനേഴ്സിലൂടെയാണ് അരങ്ങേറ്റം നടത്തിയത്.
ആസ്ത്രേലിയന് ലീഗില് ഒരു സന്നാഹമല്സരത്തില് ഇരട്ടഗോളോടെ താരം വരവറിയിച്ചു. പിന്നീട് കരാര് ചര്ച്ചകളില് ധാരണയിലെത്താന് കഴിയാതിരുന്നതിനെ തുടര്ന്ന് ബോള്ട്ട് ക്ലബ് വിടുകയായിരുന്നു. മാള്ട്ടീസ് ചാംപ്യന്മാരായ വല്ലെറ്റ എഫ്സി രണ്ടുവര്ഷത്തേക്കുള്ളാ വമ്പന് ഓഫര് വാഗ്ദാനം ചെയ്തിരുന്നുവെങ്കിലും ബോള്ട്ട് നിരസിക്കുകയായിരുന്നു. ഫുട്ബോളറായുള്ള ചെറിയ കാലം വലിയ തോതില് ആസ്വദിച്ചെന്നും ഇത് കൂടുതല് ഫലവത്താവില്ലെന്നു ബോധ്യപ്പെട്ടതോടെയാണ് ആ ശ്രമം ഉപേക്ഷിക്കാന് തീരുമാനിച്ചതെന്നും ബോള്ട്ട് പറഞ്ഞു. ഇനി തന്റെ ബിസിനസില് കൂടുതല് ശ്രദ്ധചെലുത്താനാണ് ബോള്ട്ടിന്റെ തീരുമാനം.