ഗോളവസരങ്ങള്‍ തുലച്ച് കേരളം; സന്തോഷ് ട്രോഫിയില്‍ തെലുങ്കാനയ്‌ക്കെതിരേ സമനില
ഗ്രൂപ്പ് ബി പോരാട്ടത്തിലാണ് കേരളം സമനില നേരിട്ടത്. ഇരുപകുതികളിലും ഒട്ടേറേ അവസരങ്ങള്‍ ലഭിച്ചെങ്കിലും കേരളം അത് നഷ്ടപ്പെടുത്തുകയായിരുന്നു. ഫിനിഷിങ് പോയിന്റിലെ അപാകതയാണ് കേരളത്തിന് വിനയായത്.
നെയ്‌വേലി: സന്തോഷ് ട്രോഫി ദക്ഷിണമേഖലാ യോഗ്യതാ റൗണ്ടില്‍ ആദ്യമല്‍സരത്തില്‍ തെലുങ്കാനയ്‌ക്കെതിരേ നിലവിലെ ചാംപ്യന്‍മാരായ കേരളത്തിന് ഗോള്‍രഹിത സമനില. ഗ്രൂപ്പ് ബി പോരാട്ടത്തിലാണ് കേരളം സമനില നേരിട്ടത്. ഇരുപകുതികളിലും ഒട്ടേറേ അവസരങ്ങള്‍ ലഭിച്ചെങ്കിലും കേരളം അത് നഷ്ടപ്പെടുത്തുകയായിരുന്നു. ഫിനിഷിങ് പോയിന്റിലെ അപാകതയാണ് കേരളത്തിന് വിനയായത്.
സെന്‍ട്രല്‍ ഡിഫന്‍സില്‍ രാഹുല്‍ വി രാജും അലക്‌സ് സജിയും മികച്ച പ്രകടനം കാഴ്ചവച്ചെങ്കിലും ക്രിസ്റ്റി ഡേവിസും മുഹമ്മദ് ഇനായത്തും അടങ്ങുന്ന മുന്നേറ്റനിര അവസരങ്ങള്‍ മുതലാക്കാത്തത് കേരളത്തിന് തിരിച്ചടിയായി. സമനിലയെ തുടര്‍ന്ന് പുതുച്ചേരി സര്‍വവ്വീസസ് എന്നിവര്‍ക്കെതിരേയുള്ള മല്‍സരങ്ങള്‍ കേരളത്തിന് നിര്‍ണായകമാണ്.