ഐഎസ്എല്‍; കൊച്ചിയില്‍ ബാസ്‌റ്റേഴ്‌സ് ഇന്ന് ഗോവയ്‌ക്കെതിരേ
കഴിഞ്ഞ മല്‍സരത്തിലെ ഹീറോ മലയാളി താരം സഹല്‍ ഇന്നും തിളങ്ങുമെന്ന് കോച്ച് ആത്മവിശ്വാസം പ്രകടിപ്പിച്ചു.
കൊച്ചി: ഇന്ത്യന്‍ സൂപ്പര്‍ ലീഗില്‍ കേരളാ ബ്ലാസ്റ്റേഴ്‌സ് ഇന്ന് എഫ്‌സി ഗോവയ്‌ക്കെതിരേ ഇറങ്ങും. കഴിഞ്ഞ മല്‍സരത്തില്‍ നോര്‍ത്ത് ഈസ്റ്റിനെ പരാജയപ്പെടുത്തിയതിന്റെ ആത്മവിശ്വാസത്തിലാണ് മഞ്ഞപ്പട ഇറങ്ങുന്നത്. ഗോവയാവട്ടെ ലീഗില്‍ നാലാം സ്ഥാനത്താണ്. മികച്ച ഫോമിലുള്ള ഗോവയെ തളയ്ക്കുക പ്രയാസമാണ്. ബ്ലാസ്റ്റേഴ്‌സ് ഏഴാം സ്ഥാനത്താണ്. ലീഗില്‍ ഗോവയ്ക്ക് മൂന്ന് ജയമാണുള്ളത്. ബ്ലാസ്‌റ്റേഴ്‌സിന് രണ്ട് ജയം മാത്രമാണുള്ളത്. രാത്രി 7.30നാണ് മല്‍സരം. ഗോവയ്‌ക്കെതിരേ മികവ് തെളിയിക്കാന്‍ ബ്ലാസ്റ്റേഴ്‌സിനാവുമെന്ന് കോച്ച് വ്യക്തമാക്കി. കഴിഞ്ഞ മല്‍സരത്തിലെ ഹീറോ മലയാളി താരം സഹല്‍ ഇന്നും തിളങ്ങുമെന്ന് കോച്ച് ആത്മവിശ്വാസം പ്രകടിപ്പിച്ചു.
ലീഗില്‍ ഹൈദരാബാദ് എഫ് സി, മുംബൈ സിറ്റി, എടികെ മോഹന്‍ബഗാന്‍ എന്നിവരാണ് ആദ്യ മൂന്ന് സ്ഥാനങ്ങളിലുള്ളവര്‍.