കരണ്‍ജിത്ത് സിങ് ഇനി കേരളാ ബ്ലാസ്റ്റേഴ്‌സിന് സ്വന്തം
35കാരനായ കരണ്‍ജിത്ത് രണ്ട് തവണ ചെന്നൈയിനൊപ്പം ഐഎസ്എല്‍ കിരീടം നേടിയിട്ടുണ്ട്.
പനാജി: മുന്‍ ചെന്നൈയിന്‍ എഫ് സി ഗോള്‍കീപ്പര്‍ കരണ്‍ജിത്ത് സിങിനെ കേരളാ ബ്ലാസ്റ്റേഴ്സ് സ്വന്തമാക്കി. ടീമിന്റെ ഗോള്‍ കീപ്പര്‍ ആല്‍ബീനോ ഗോമസിന് പരിക്കേറ്റതിനെ തുടര്‍ന്ന് ഫ്രീ ഏജന്റായ കരണ്‍ജിത്തിനെ ബ്ലാസ്റ്റേഴ്സ് താല്‍ക്കാലികമായി സ്വന്തമാക്കിയിരുന്നു. ആല്‍ബീനോ തിരിച്ചെത്താന്‍ വൈകുമെന്ന റിപ്പോര്‍ട്ടിനെ തുടര്‍ന്നാണ് ബ്ലാസ്റ്റേഴ്സ് കരണ്‍ജിത്തിനെ സ്ഥിരം ഗോള്‍കീപ്പറായി നിലനിര്‍ത്തിയത്.
ബ്ലാസ്റ്റേഴ്‌സിന് മൂന്ന് യുവഗോള്‍കീപ്പര്‍മാര്‍ കൂടിയുണ്ട് . എന്നാല്‍ പരിചയസമ്പത്തുള്ള കരണ്‍ജിത്തിനെ ഒന്നാം കീപ്പറക്കാന്‍ തീരുമാനിക്കുകയായിരുന്നു. 35കാരനായ കരണ്‍ജിത്ത് രണ്ട് തവണ ചെന്നൈയിനൊപ്പം ഐഎസ്എല്‍ കിരീടം നേടിയിട്ടുണ്ട്.