ഐഎസ്എല്‍; കൊമ്പന്‍മാര്‍ മൂന്നില്‍; ജെംഷഡ്പൂരും കടന്ന് കുതിക്കുന്നു

കൊച്ചി: ഇന്ത്യന്‍ സൂപ്പര്‍ ലീഗില്‍ കേരളാ ബ്ലാസ്റ്റേഴ്‌സിന്റെ വിജയകുതിപ്പ് തുടരുന്നു. ഇന്ന് ഹോം ഗ്രൗണ്ടില്‍ നടന്ന മല്‍സരത്തില്‍ ജെംഷഡ്പൂരിനെ 3-1ന് പരാജയപ്പെടുത്തിയാണ് കൊമ്പന്‍മാരുടെ കുതിപ്പ്. ജയത്തോടെ ലീഗില്‍ മഞ്ഞപ്പട മൂന്നാം സ്ഥാനത്തേക്ക് കുതിച്ചു. അപ്പോസ്തലസ് ജിയാനു, ദിമിത്രിയോസ് ഡയമന്റകോസ്, അഡ്രിയാന്‍ ലൂണ എന്നിവരാണ് ബ്ലാസ്‌റ്റേഴ്‌സിനായി സ്‌കോര്‍ ചെയ്തത്. ഡാനിയല്‍ ചിമ ചൗകുവാണ് ജെംഷഡ്പൂരിനായി ഏക ഗോള്‍ നേടിയത്. ജെംഷഡ്പൂര്‍ ലീഗില്‍ 10ാം സ്ഥാനത്താണ്. ബ്ലാസ്റ്റേഴ്‌സിന്റെ അടുത്ത മല്‍സരം ഒന്നാം സ്ഥാനത്തുള്ള മുംബൈ സിറ്റി എഫ് സിയുമായാണ്.